မေမေ  -  ခြင်္သေ့က ခေါင်းအကြီးကြီးပဲနော် သမီလေး

သမီးလေး  - ဟုတ်ဘူး ဆံပင်ထူတာမေမေ

😂

မေမေ - မေမေ့ခေါင်းမှာဆံပင်ဖြူတွေ့လို့ နှုတ်ပေးပါအုံး ဖေဖေရေ

ဖေဖေ - အေးအေး၊ ဆံပင်ဖြူကတော်တော်တိုတယ်မေမေရေ လက်နဲ့ နှုတ်လို့မရဘူး

မေမေ - အဲ့ဒါဆို ညှပ်နဲ့ဆွဲနှုတ်ပေး 

အဲ့အချိန်မှာသမီးလေးကချက်ချင်းပြေးထွက်သွားပြီး ပုံထဲကဟာလေးယူလာပေးတယ် 😂😂

ဇာဂနာလို့မပြောမိတာကိုယ့်အမှားပါလေ 😂😂😂

မေမေ -  သမီးလေးရေ မျက်လုံးကို Englishလို ဘယ်လိုခေါ်လဲ

သမီးလေး - အိုင်း

မေမေ - နှာခေါင်းကိုရော

သမီးလေး - ချိုချို

မေမေ - နဖူးကိုရော

သမီးလေး - ပိုးဟပ်

🙄😂

လမ်းလျှောက်ထွက်ရင်း

သမီးလေး - မေမေ ဟိုမှာ ကြက်လေးတစ်ကောင်

မေမေ - ဘယ်မှာလဲ သမီးရဲ့ကြက်မရှိပါဘူး

သမီးလေး - ဟိုမှာ ဟိုမှာ

မေမေ - ဘယ်မှာလဲ မေမေတော့ မတွေ့ဘူး ကြက်မရှိပါဘူးသမီးရဲ့

သမီးလေး - အဲ့ဒါကြက် ဟုတ်တယ် ဟင့်ဟင့်ဟင့်

မေမေ - သြော် အေးအေး ကြက်လေးပဲ (မဟုတ်ဘူးပြောရင် ငိုတော့မှာမို့ ကြက်လေးလို့ အလွယ်ဖြေလိုက်မိတယ်) ဆက်သွားရအောင်နော်

သမီးလေး - ကြက်ကိုပြောတာမဟုတ်ဘူး မောက် မောက် 

မောက်ကို​ပြောတာ

(ဝဆွဲသံမပီသေးတဲ့သမီးလေးတစ်ယောက်သနားပါတယ်)

😁😂

ညီမလေးရဲ့ဖိနပ်က မမတွေနဲ့မတော်ဘူးလို့ ပြောမိတာ မေမေ့အမှားပါကွယ် 😂

မေမေက ပန်းပုံလုပ်ကြမယ်ဆိုတာကို  နိုး စပိုင်ဒါပုံပဲ လုပ်ကြမယ်တဲ့ 

အေးအေး ဒါဆို မေမေ မလုပ်တတ်လို့ ယူတု ကြည့်ကြည့်လိုက်ဦးမယ် ခဏနော်ဆိုတော့ ဘာပြောလဲဆို

ယူတုကြည့်မနေနဲ့ သမီးလုပ်တာပဲလိုက်ကြည့်တဲ့

🙄😂

အိမ့်ဖူးမှာလည်း laptopရှိတယ်တဲ့ 🙄 ကြည့်လိုက်တော့ထီလက်မှတ်အဟောင်းကြီး😄

မီးအိမ်ကပလပ်ကိုသွားယူပြီး ထီလက်မှတ်laptopမှာတောင်တပ်နေသေး😂

မေမေ မီးပူတိုက်နေတုန်း

သမီးလေး -  မေမေရေ ကစားမယ် လာခဲ့ပါ

မေမေ - ခဏလေးနော် သမီးလေး မေမေပြီးတော့မယ်

သမီးလေး - ဟော... ခဏနေသွားပြီမေမေ ကစားလို့ရပြီ ရေး ရေး ရေး

🙄😂(ချက်ချင်းကိုခဏနေပလိုက်တာပါဆို)

မေမေနဲ့သမီးလေးဈေးရောင်းတမ်းဆော့ကြရာ

(မေမေကရောင်းသူ၊သမီးကဝယ်သူ) 

မေမေ   -   ဒီပြောင်းဖူးလေးတွေဝယ်သွားပါအုံး

သမီးလေး     -  ဘယ်လောက်လဲ

မေမေ   -   ၃၀၀၀ ကျပါတယ်ရှင့်

သမီးလေး - ၃၀၀၀ ပေးပြီး ပြောင်းဖူးတွေကို ခြင်းထဲ ထည့်လိုက်တယ် 

မေမေ - အားပေးတာ ကျေးဇူးတင်ပါတယ်နော် 

သမီးလေး  -  သုံးထောင်ပြန်အမ်းပါအုံးတဲ့

😂

သမီးလေး  -  မေမေ

မေမေ  -  ဘာလဲ သမီး

သမီးလေး  - သမီး stickerကပ်မလို့ 

မေမေ  -  ကပ်လေ သမီး

သမီးလေး  - မေမေမခွာနဲ့နော်

မေမေ  - မေမေကဘာလို့ခွာမှာလဲသမီးလေးကပ်ထားတာကို သမီးကြိုက်သလိုသာကပ်လို့ပြောရင်း YouTube ဆက်ကြည့်

သမီးလေး  -  ကပ်ပြီးပြီမေမေ

😂

ကြက်ဥကို ကြက်ဥလို့ခေါ်ပြီး ဘဲဥကို ကြက်ဥဆရာဝန်လို့ သူခေါ်တယ် 😂

မေမေ - သမီးရေ မေမေ ယုန်နဲ့လိပ် ပုံပြင်ပြောပြမယ်

(သူတစ်ခါမှနားမထောင်ရသေးတဲ့ပုံပြင်ဆိုတော့

ပျော်သွားတယ် )

မေမေ - ယုန်လေးကလေ ပြေးရင်အရမ်းမြန်တာ၊ လိပ်လေးက​ ကျောပေါ်မှာအခွံအလေးကြီးသယ်ထားရတော့အရမ်းနှေးတာ၊ ဒါပေမဲ့ တစ်နေ့မှာ သူတို့ ၂ယောက်က အပြေးပြိုင်ကြတယ်၊ ဘယ်သူနိုင်မယ်ထင်လဲသမီးလေး

သမီးလေး - ယုန်နဲ့လိပ် နိုင်သွားမယ်😂

မေမေ - မေမေ ပုံပြင်ဆက်ပြောပြမယ်နော် သူတို့၂ယောက် အတူတူစပြေးကြရော ယုန်ကရှေ့ကိုမြန်မြန်ရောက်သွားတယ်၊ လမ်းတစ်ဝက်ကြတော့ သူကမောလို့ခဏနားရင်း လိပ်ကနှေးတော့သူ့ကိုမှီမှာမဟုတ်ဘူးဆိုပြီးတော့ တစ်ရေးအိပ်လိုက်တယ်၊ အဲ့ချိန်မှာ လိပ်ကလုံးဝမနားဘဲ ဇွဲကောင်းကောင်းနဲ့ဖြေးဖြေးချင်းပြေးလာတာ အိပ်နေတဲ့ယုန်လေးကိုကျော်သွားတယ်၊ ယုန်လေးကနိုးလာတော့အမြန်ပြေးလိုက်တယ်၊ ဒါပေမဲ့လိပ်လေးကပန်းတိုင်ကိုအရင်ရောက်နှင့်နေပြီ၊

နောက်ဆုံးတော့ အပျင်းကြီး​ပြီးအိပ်လိုက်တဲ့ယုန်ကကျန်ခဲ့ပြီး ဇွဲကောင်းတဲ့လိပ်လေးက နှေးပေမဲ့နိုင်သွားတာသမီးရဲ့

(သမီး​လေးက အရမ်းကိုစိတ်ဝင်တစားနားထောင်နေတော့ မေမေကပြောရင်းနဲ့ကျေနပ်နေတာပေါ့၊ ပုံပြင်လေးကနေ သမီးလေးသင်ခန်းစာလေးရမယ်ပေါ့) 

သမီးလေး - မေမေ မေမေ  ယုန်လေးက သမီးနဲ့တူတာ သမီးလိုပဲ အိပ်ပျော်သွားတာဆိုပြီး

သူနဲ့တူတဲ့ယုန်လေးကို သဘောကျနေလေရဲ့😂

မေမေအောင်မြင်တာပေါ့😁😂

မေမေ - ဟဲ့ ရေခဲသေတ္တာကိုဘာလို့တစ်ချိန်လုံးဖွင့်နေတာလဲ 

သမီးလေး - မီးလင်းမလင်းကြည့်တာပါ

😂

မေမေ - မေမေ့ကလစ်ကိုဖြုတ်မယ်မကြံနဲ့နော် ဆံပင်တွေပွကုန်မယ်

သမီးလေး - လှလို့ကိုင်ကြည့်မလို့ပါ

😂

မေမေကတစ်ခုနဲ့တစ်ခုနဲ့ဆက်တိုင်းဆော့ဖို့ဝယ်ပေးထားတယ်၊ သမီးကသူ့ဝက်ကိုဖိနပ်စီးပေးတယ်

😂

မေမေ - လူရုပ်ဆေးရောင်ခြယ်ရင် မျက်နှာကိုမခြယ်နဲ့နော် အဝတ်အစားတွေ ဖိနပ်တွေကိုခြယ်

သမီးလေး - မျက်နှာကို အိုးမဲသုတ်ပေးမို့ပါ

😂

မေမေ - သမီးရေ ဆံပင်တွေ အရမ်းပွနေတယ်၊ ခေါင်ဖြီးအုံး၊ မေမေဖြီးပေးရမလား

သမီးလေး - ပွတာမဟုတ်ဘူး၊ ဆံပင်ကညောင်းနေတာ ညောင်းလို့လျှောက်သွားနေတာ

😂

ဒီပုံက သမီးလေးဖယောင်းတိုင်ထွန်းထားတာတဲ့ 😂

မေမေ - သမီးကို ဖေဖေမေမေဖိုးဖိုးဖွားဖွား အကုန်လုံးကချစ်ကြတယ် ဟုတ်တယ်နော်

သမီးလေး - အင်း

မေမေ - သမီးကရော မေမေတို့ကိုချစ်တယ်မို့လား

သမီးလေး - ချစ်တယ်

မေမေ - အဲ့ဒါဆို မေမေတို့ပြောစကားနားထောင်နော် 

သမီးလေး - (ခဏစဥ်းစားပြီး) နားထောင်မယ်

မေမေ - တကယ်နော် လိမ္မာလိုက်တဲ့သမီးလေး မွမွ မေမေ့ကိုလည်း အာဘွားပေးပါအုံး😘

အာဘွားလည်းပေးပြီးရော

သမီးလေး - မေမေရေ မေမေ မလုပ်နဲ့ပြောတာတွေကို သမီးကလုပ်မယ်၊ မေမေကဆူ အဲ့လိုဆော့ကြမယ်

🙄😂

လိုလျှင်ကြံဆနည်းလမ်းရ 😂😃

(မေမေ့ဖိနပ်က သမီးနဲ့မတော်ဘူး မစီးနဲ့ဆိုတာကို ဇွတ်ပဲတော် အေးလေ သူ့နည်းသူ့ဟန်နဲ့စီးလို့ရနေတာကိုး)

😂

မေမေ - သမီးရေ ဒီမှာ မျက်နှာstickerလေးတွေဝယ်ထားတယ်၊ သမီးလေးချစ်တဲ့အကောင်လေးတွေမှာလိုက်ကပ်နော်

သမီးလေး - ကပ်ပြီးပြီမေမေ ကျန်တာကို မေမေ့မျက်နှာမှာကပ်မယ်

🙄😂

ဗိုလ် ကျား သေနတ် ကိုယ်ကြိုက်တာကိုယ်လုပ်လို့ဆိုပြီးရင် ခါးထောက်တာရယ် သေနတ်ရယ် ကျားလိုရယ် တစ်ခုခုလုပ်ရတယ်၊ ဘာကဘာကိုနိုင်တယ် ဆိုတာရှင်းပြပြီး စဆော့ကြရာ 

ကိုယ်ကြိုက်တာကိုယ်လုပ်လည်းဆိုပြီးရော သူက ၃ခုလုံးကိုတစ်ပြိုင်တည်းလုပ်😂

သမီးလေး - ဖွားဖွား သမီးကြာဇံသုပ်စားလာတယ်

ဖွားဖွားကြီး - ကလေးကိုအပြင်စာကျွေးပြန်ပြီလား

မေမေ - အဲ့ကလေးက ပြောလို့မရဘူး အဖွားရေ

ဖွားဖွားကြီး - သမီးကလည်း မေမေပြောတာနားထောင်ရမယ်​လေ ကြားလား

ဖိုးဖိုးထူး - ကဲ ရွှေပုစွန်သွားပြီး ရေခဲမုန့်သွားစားကြမယ်ဟေ့၊

စကားနားမထောင်တဲ့ကလေးလေးကိုအိမ်မှာထားခဲ့မယ်

သမီးလေး - ဟင့်ဟင့် မသွားနဲ့

ဖိုးဖိုးထူး - သွားမယ်ဟေ့ သွားကြမယ်ဟေ့ ကလေးလေးအိပ်မှသွားစားကြမယ်ဟေ့

သမီးလေး - ဖွားဖွားပြောထားတယ် အပြင်စာတွေမစားနဲ့တဲ့

😂

မေမေ - သမီးလေး ဒီမုန့်လေးစားနေနော် မေမေ ပန်းကန်တွေဆေးလိုက်အုံးမယ်

သမီးလေး - ဟင့် ဟင့် ဟင့် မေမေကျွေးပါ

မေမေ - သမီးနော် ကိုယ့်ကိုယ်စားတတ်အောင်စား မေမေပန်းကန်ဆေးရအုံးမယ်၊ ခုမဆေးရင် ပုရွက်ဆိတ်တွေလာတော့မယ်

သမီးလေး - သမီးကိုယ့်ကိုယ်စားမယ်

မေမေ - ဒါမှပေါ့ မေမေ့သမီးလေးလိမ္မာတာမေမေသိတာပေါ့ စားနော်

သမီးလေး - မေမေကခွံ့ပေး သမီးကကိုယ့်ကိုယ်စားမယ်

🙄😂

မေမေ - သမီးလေး ၄နှစ်ပြည့်ရင် ကိုကိုတို့ မမတို့လိုမျိုး ကျောင်းတက်ရမယ်နော်၊ ကျောင်းမှာ သူငယ်ချင်းတွေ ဆရာမတွေနဲ့ ပျော်စရာကြီး

သမီးလေး -  သမီးရဲ့ Bear Bear လေးတွေကို ကျောင်းပို့ပေးမယ်၊ ခြင်းတောင်းထဲမှာလည်း ရေဗူး၊ထမင်းချိုင့်နဲ့မုန့်တွေထည့်ပေးလိုက်မယ်၊ သမီးက အိမ်မှာပဲဆော့ပြီးနေခဲ့မယ်

မေမေ - ကျောင်းတက်မှ သမီးစာဖတ်တတ်မှာပေါ့၊ နို့မို့ဆို စာအုပ်ထဲမှာဘာတွေရေးထားလဲ သမီးဘယ်သိတော့မလဲ 

ရော့ဒီမှာ သမီးကြိုက်လို့ဝယ်လာတဲ့ ပုံပြင်စာအုပ်လေး ဘာတွေရေးထားလဲမေမေ့ကိုဖတ်ပြကြည့်ကြည့် 

သမီးလေး - စာကြောင်းတွေကို သေချာကြည့်နေတယ်၊ ဒါပေမဲ့ ဘာအသံမှမထွက်လာ

မေမေ - မေမေပြောသားပဲ သမီးက ကျောင်းမတက်ရသေးတော့ ဘာမှမသိသေးဘူးမို့လား၊ ကျောင်းတက်ရင်းနဲ့မှ သမီးလေးဖတ်တတ်လာမှာသိလား

သမီးလေး - သမီးက စိတ်ထဲကနေဖတ်နေတာ မေမေရဲ့ 

🙄😂

အိမ်ရှေ့လမ်းလေးမှာလမ်းလျှောက်ရင်း

မေမေ - သမီးနော် ကားလမ်းမ ပေါ်ကမသွားပါနဲ့ဆိုသွားပြန်ပြီ

သမီးလေး - ကားလမ်းမပဲမဟုတ်ဘူ၊း စက်ဘီးလမ်းမလည်းဟုတ်တယ်၊ ဆိုက်ကားလမ်းမလည်းဟုတ်တယ်၊ လူလမ်းမလည်းဟုတ်တယ်၊ ခွေးလမ်းမလည်းဟုတ်တယ်

မေမေ - ဘာလို့တုန်း

သမီးလေး - အကုန်လုံး ဒီလမ်းမပေါ်ကသွားတယ်၊ မီးရထားတို့ လေယာဥ်ပျံတို့ပဲမသွားတာ

အဲ့နောက်ပိုင်း လမ်းဘေးကပ်လျှောက်နော်သမီးလေးလို့ပဲပြောတော့တယ်လေ😂

သမီးလေး - ဒီgasအိုးကို ဘာလို့ အမိုးမိုးထားတာလဲ မေမေ

မေမေ - နေပူမှာစိုးလို့ဖြစ်မယ်

သမီးလေး - နေပူရင် ဘာဖြစ်လို့လဲ

မေမေ - နေပူထဲထားရင် gasအိုးကြီး ပေါက်ကွဲတတ်တယ်သမီးရဲ့

သမီးလေး - ကြက်ဥလိုလား 

😂