နတ်ရဲတောင်လျို့ဝှက်ချက် ၇
==============
ချောင်းဘေးအနီးမှာပင်ရန်မတီးတို့လူစုညအိပ်စခန်းချရန်ရွေးချယ်လိုက်ခြင်းနဲ့အတူ ၊ ရူဘီနာမှလွဲ၍တစ်ခြား
သောလူများကိုနှစ်ယောက်တစ်တွဲဖြင့်လုံခြုံရေးအတွက်ကင်းအလှည့်ကျစောင့်စေ၏ ။
ရန်မတီးမှာကင်းသမားများကိုလုံးဝမအိပ်စက်ရန်အထူး
သတိပေးမှာကြားထားသလိုမီးပုံကိုလည်းထင်းမပြတ်တမ်းထည့်ရန်မှာကြားထား၏ ။
တောနေသေတ္တဝါအများစုမှာမီးကိုကြောက်လန့်တတ်ကြသောကြောင့်မီးရှိနေပါကအနားကပ်လာရဲမည်မဟုတ်သောကြောင့် မီးကို အပြတ်မခံခိုင်းခြင်းဖြစ်၏ ။
နောက်တစ်နေ့မနက်တွင်မနက်စောစောနိူးလာချိန် ချောင်းအတွင်းမျက်နှာသစ်သူသစ်၊ရေမိုးချိုးသူချိုးဖြင့်
တစ်နေ့တာခရီးတစ်ခုအစအတွက် လူပ်ရှားတက်ကြွလျက်ရှိနေကြတော့သည်။
မနက်စာအတွက် ရူဘီနာက အားလုံးစားရန်ထမင်းချက်နေချိန်လူငယ်များမှာလည်းချောင်းကမ်းစပ်ဘေးခြုံများကျောက်တုံးများကြားတွင်ခိုအောင်းနေသော ငါးပုစွန်များ ဖမ်းနေကြပါတော့သည်။
ကျောက်ငါး၊ကျောက်ပုဇွန်ကြီးများမှာ ဖမ်းယူမည့်သူမရှိသောကြောင့်ကြီးမားဆူဖြိုးလျက်ရှိနေကာ ပါးနပ်မူလည်းမရှိသောကြောင့် ခနတာအချိန်အတွင်း ကျောက်ပုဇွန်ကြီးဆယ့်လေးငါးကောင်နဲ့အတူ၊ကျောက်ငါးကြီးလေးငါးဆယ်ကောင်ဖမ်းဆီးရမိရာ
လူငယ်များမှာ ငါးများကိုတံစို့ထိုး၍မီးကင်ကြသလို
ကျောက်ပုဇွန်များကိုလည်းမီးခဲရဲရဲပေါ်တင်၍ဖုတ်လိုက်
ကြပါတော့သည်။
ယနေ့အတွက်ရာသီဥတုမှာနေထွက်ချိန်မှစ၍နေကိုလုံးဝမမြင်ရသေးပဲ ထူထပ်သောတိမ်များကြားကြောင့်နေမင်းကြီးမှာသူ့ကိုယ်ရောင်ကိုယ်ဝါကိုမဖြန့်ကျနိူင်ပဲတိမ်များနောက်ငုတ်လျိုးလျက်ရှိနေပါသည်။
ထမင်းနပ်ချိန်တွင် ငါးကင်ပုဇွန်မီးဖုတ် ငရုတ်သီးခြောက်မီးကင်ကိုဆားအနည်းငယ်နဲ့ရောထောင်းထားသောထမင်းကိုစားသောက်နေကြတော့၏ ။
အားလုံးမှာနေ့လည်စာကို စားဖြစ်မစားဖြစ်မသေချာသောကြောင့် မနက်စာကိုဗိုက်ပြည့်အောင်စားသောက်နေကြ၏ ။
အားလုံးစားသောက်ပြီးချိန်တွင်ခနတဖြုတ်ထိုင်ပြီး
လိုအပ်သည်များကိုသိမ်းဆည်းထုတ်ပိုး၍ အထုပ်ကိုယ်စီလွယ်၍ခရီးဆက်ရန်ပြင်ဆင်ကြတော့၏ ။
နောက်တိုးအဖွဲ့ဝင်ဖြစ်သောကြက်ခြင်းကိုသယ်လာသူရွာသားမှာ ထူးဆန်းသူတစ်ယောက်အဖြစ်သူ့အပြုအမူ
များကိုကြည့်၍ဆုံးဖြတ်နေကြ၏ ။
တညင်ကြက်များကိုသယ်လာသောရွာသားမှာ
ဆင်ဘေးအန္တရယ်ကြောင့်အသက်လုပြေးရချိန်တွင်ပင်
သူ့ကြက်ခြင်းကို လွင့်မပစ်ပဲ ရအောင်ယူလာခဲ့သူဖြစ်၏ ။
ချောင်းဘေးစခန်းချချိန်တွင်သူ့ကြက်ဖိုနှစ်ကောင်၊ကြက်မနှစ်ကောင်ကို ခြင်းမှထုတ်၍ ကြိုးဖြင့်လှန်ထား
ကာ ဂရုတစိုက်ရှိနေတတ်သူဖြစ်သည်။
ယခုခရီးပြန်ဆက်ချိန်တွင်လည်း ကြက်များကို
ခြင်းတွင်ပြန်ထည့်၍သယ်ယူနေပြန်သည်။
တခြားသူများမှာထိုလူကြက်များကိုယခုလိုခရီးမျိုးတွင်
တကူးတကသယ်ယူသွားလာနေခြင်းကိုနားမလည်နိူင်
အောင်ရှိနေပါတော့၏ ။
ရူဘီနာနဲ့ ပရမ်ကွမ်းမှာမိုးတိမ်ကိုအကြောင်းပြု၍
ခင်မင်ရင်းနှီးနေကြပြီဖြစ်သော်လည်းတစ်ယောက်စကားကိုတစ်ယောက်နားမလည်ပဲလက်ဟန်ခြေဟန်ဖြင့်
ဆက်သွယ်နေကြရ၏ ။
ရူဘီနာမှာမိုးတိမ်ကိုသူ့အသက်သခင်အဖြစ်သတ်မှတ်သလို လူနဲ့ရင်းနှီး၍ သင်လွယ်တတ်လွယ်သောမိုးတိမ်
ကိုသဘောအကျကြီးကျလျက်ပရမ်ကွမ်းပုဇွန်ဖမ်းနေစဉ် ပုဇွန်အစိမ်းများတောင်း၍မိုးတိမ်ကို ကျွေးမွေး၍
မိုးတိမ်နဲ့ ရင်းနှီးမူယူနေ၏ ။
ခရီးသွားရာတွင်လည်း ပရမ်ကွမ်းပခုံးတွင် မိုးတိမ်ခြေသည်းမရှစေရန်ခုသော သားရေပြားကိုခန
တောင်း၍ မိုးတိမ်ကိုသူ့ပခုံးတွင်တင်၍ သွားလာနေရခြင်းကို သဘောအကျကြီးကျဟန်ပြုံးရွင်
ပျော်မြူးလျက်ရှိနေကြ၏ ။
တစ်ခြားသောလူငယ်များမှာ ရန်မတီးမကြားအောင် ပရမ်ကွမ်းနဲ့ ရူဘီနာကိုစကား
ဖြင့်သော်လည်းကောင်း မျက်နှာကိုယ်အမူအယာများဖြင့်သော်လည်းကောင်း
စနောက်တတ်ကြ၏ ။
ထိုအချိန်မျိုးတွင် ပရမ်ကွမ်းတစ်ယောက် ရှက်ပြုံးကြီးပြုံး၍ခေါင်းကုတ်လျက်ရှိနေပါတော့၏ ။
ရာသီဥတုမှာမွန်းတည့်ချိန်အထိနေကိုမမြင်ရပဲ
မူန်မိူင်းအုံဆိုင်းလျက်ရှိနေပါ၏ ။
ရန်မတီးတို့သစ်ပင်ကြီးများပေါက်ရောက်နေသော
အောက်ခြေရှင်းတောအုပ်ကိုဖြတ်သန်းလျက်သွားနေကြရင်းမှအချိန်အတန်ကြာလျောက်မိသောအခါ။
သစ်တောမှာတဖြည်းဖြည်းပါးလျားလာ၍ ကျောက်တုံးကျောက်ဆောင်များခြုံပုတ်များဟိုတစ်စုသည်တစ်စုပေါက်ရောက်နေသောနေရာတခုသို
ရောက်ရှိခဲ့ပြန်တော့သည်။
ထိုနေရာတွင်တစ်ခြားသောအပင်ကြီးများရှိမနေပဲ
ရှည်လျားမြင့်မားသော
သစ်ပင်အမြင့်တစ်ပင်တွေ့သောကြောင့်
ရန်မတီးမှာသစ်ပင်အတက်ကျွမ်းကျသောလူငယ်
တစ်ယောက်ကိုထိုသစ်ပင်ပေါ်တက်၍နတ်ရဲတောင်အခြေအနေကိုကြည့်ရူစေ၏။
ထိုလူငယ်မှာသစ်ပင်ပေါ်သို့မျောက်တစ်ကောင်အလားကုတ်ဖဲ့တွယ်တက်ရင်းမှ အပင်ပေါ်မှစီးမိုး၍ပတ်ဝန်းကျင်အခြေအနေကိုကြည့်ရူ၍ပြန်ဆင်းလာခဲ့တော့သည်။
အောက်ရောက်သောအခါထိုလူငယ်ပြောစကားအရနတ်ရဲတောင်ဟုယူဆရသောမြင့်မားသောတောင်ကြီးတစ်လုံးကိုမြင်ရကြောင်းထိုနေရာကိုရောက်ရှိရန်တောအုပ်များကိုဖြတ်သန်းရမည်ဖြစ်သောကြောင့်အနှောင့်အယှက်မကြုံရပဲသွားပါကတစ်နေ့ခန့်မျသွားလျင်ရောက်နိူင်သည်ဟုတွက်ဆမိ
ကြောင်းပြောပြလာ၏ ။
ရန်မတီးမှာရန်သူ့နယ်မြေသို့ရောက်ရှိလာ
ပြီဖြစ်ကြောင်းတွေးဆလိုက်မိသလိုရှေ့တွင်မြင်
နေရသောတောအုပ်မှာနတ်ရဲတောင်ကိုရောက်ရှိ
ရန်နောက်ဆုံးတောအုပ်ဟုစိတ်တွင်မှတ်ချက်ချက်
ချနေမိ၏။
သတိမပြတ်တမ်းကပ်ထားရန် အန္တရယ်များ
နေရာပေါင်းစုံမှဝင်လာနိူင် သောကြောင့်မလိုအပ်ပဲ
အဖွဲ့မှခွဲမနေရန်မှာကြားနေရသည်။
ကျောက်တုံးများခြုံပုတ်များပေါက်ရောက်နေသောကွင်းပြင်ကိုဖြတ်သန်းကြစဉ် ဆိုးရွားသောအပုတ်ရနံ့များခံစားနေရခြင်းနဲ့အတူယင်မဲကြီးများတသောသောကျနေသော သမင်သေ နွားနောက်သေများနဲ့အတူ ကျား၊ဆင်စသော တောဘုရင်ကြီးများ၏အရိုးကျနေသောအလောင်းများကိုပင်တွေ့နေရပြန်သည်။
အားလုံးစိတ်အတွင်းမသိုးမသန့်စိတ်ခံစားမူနဲ့အတူ
အလိုလိုကြက်သီးမွေးညှင်းများထ၍လာကြတော့၏ ။
ထိုနေရာမှလွန်မြောက်လာချိန်တွင် နတ်ရဲတောင်ကိုစဝင်ရာဝင်ပေါက်ဟုယူဆရမည်ဖြစ်သောတောအုပ်ကြီးရှေ့သို့ရောက်ရှိခဲ့ကြပါတော့၏ ။
တောအုပ်ကြီးရှေ့ရောက်သောရန်မတီးတို့လူစုမှာထူးခြားဆန်းပြားသောမြင်ကွင်းကြောင့် အားလုံးခနတာမျ
မှင်သက်ငေးမောမိကုန်ကြတော့၏ ။
ရန်မတီးတို့ရောက်ရှိနေရာတောအုပ်အစပ်တွင်
သစ်ပင်ကြီးများစီတန်းစွာပေါက်နေသောတောအုပ်ရှေ့တွင်လူနှစ်ယောက်ယှဉ်တွဲ၍ဝင်နိူင်သောဝင်ပေါက်လမ်းမှာ ထင်ရှားစွာရှိနေသည်ကအံ့သြမှင်သက်ရသလို
ထိုထက်ပို၍အံ့သြစရာအချက်ကား ပထမဝင်ပေါက်နဲ့
ဆယ့်ငါးတောင်ခန့်အကွာအဝေးနေရာတွင် ပထမဝင်လမ်းနဲ့ပုံစံတူအဝင်အပေါက်တစ်ပေါက်ထပ်ရှိ
နေခြင်းကထူးဆန်းနေ၏ ။
အဝင်လမ်းမှာတောင်ပေါ်ကျောက်ကြမ်းတချို့မှလွဲ၍တခြားသောအပင်များပေါက်ရောက်နေခြင်းမရှိပဲ သစ်ရွက်
ကြွေတစ်ချို့မြေပေါ်ပြန့်ကျဲကျလျက်လူတို့ဖန်တီးဖောက်လုပ်ထားသည်အလား ရှိနေပါသည် ။
ရန်မတီးအနေဖြင့်စဉ်းစားရကြပ်စွာရှိနေ၏။
လမ်းနှစ်သွယ်တွင်နတ်ရဲတောင်ကိုသွားသောလမ်းမှာ မည်သည့်လမ်းကအမှန်။မည်သည့်လမ်းကအမှားဟူ၍သူမတွက်ဆတတ်ပေ။
လမ်းတစ်ခုကမှား၍တစ်ခုကမှားနေခြင်းလား
သို့မဟုတ် လမ်းနှစ်ခုလုံးမှာ နတ်ရဲတောင်သို့ သွားရာအမှန်ဖြစ်နေသည်ဆိုခြင်းက ရန်မတီးကိုတွေးရကြပ်စေသောမေးခွန်းပင်။
ရန်မတီးအတွေးရကြပ်နေကြောင်းရိပ်စားမိသော
တညင်ကြက်များသယ်လာသောရွာသားကရန်မတီး
အနီးသို့လျောက်လာရင်း....
”...ဆရာသမား ဘယ်လမ်းရွေးရမလဲအတွေးရကြပ်နေတာလား...
ကျုပ်အကူအညီပေးရမလား...”
”...ဟင်...နေပါအုံး..ခင်များဒီလမ်းကို ရောက်ဖူးလို့လား.. လမ်းမှန်သိလို့လား....”
”...ခုမှပထမဆုံးရောက်ဖူးတာပါ... ”
”...ဟာ...ခင်များကလည်းဒါစရမယ့်အချိန်မဟုတ်ဘူးဗျ...”
ထိုလူစကားကရန်မတီးကိုစသလိုဖြစ်နေသောကြောင့်ရန်မတီးမှစိတ်တိုဒေါသဖြစ်အော်လိုက်ရာ ထိုလူက
ဒေါသဖြစ်ဟန်မပြပဲ သူ့ကြက်ခြင်းကိုကိုင်မြောက်ပြရင်း......
”...ဒီကြက်တွေက ကျုပ်တို့ရိုးရာကိုးကွယ်တဲ့နတ်ကို
ဗလိနတ်စာအတွက် အပ်ထားတဲ့ကြက်တွေပဲ
သူတို့သားခွဲစအရွယ်ကတည်းက. ဒါနတ်မင်းပိုင်
ကြက်တွေပါ အရွယ်ရောက်လာရင်အရှင့်ကိုဆက်ကပ်ပါ့မယ်ဆိုပြီး
အပ်ထားတာ....”
”....အာ...ဒီလူ ကြက်အကြောင်းလာပြောနေတယ်
ဒီမှာစိတ်ရူတ်နေပါတယ်ဆိုမှ....”
” ခနလေးဆရာသမားကျုပ်ကစေ့စေ့စုံစုံပြောပြချင်လို့ပါ.
ဒီလိုနတ်ကိုကြိုဆက်ထားတဲ့ကြက်တွေဟာ လူတွေရဲ့
စောင့်ရှောက်မူအပြင်နတ်တွေရဲ့ စောင့်ရှောက်မူရတတ်တယ်လို့ ကျုပ်တို့ရိုးရာအရ အယူရှိတယ် ဒီတော့ ကျုပ်ကြက်တွေကဘယ်လမ်းကိုရွေးချယ်မလဲရွေးချယ်ခိုင်းမယ် ။
တကယ်လို့ကျုပ်ကြက်ရွေးချယ်တဲ့လမ်းကိုဆရာသမား
သွားသင့်မသွားသင့်ဆုံးဖြတ်ပေါ့....”
”...ကောင်းပြီ လုပ်ကြည်ပေါ့ ကျုပ်လည်းအထွေအထူး တာဝန်မရှိတော့ ခင်များလုပ်တာ အကျိုးထူးမထူးစောင့်ကြည့်ရတာပေါ့.......”
ရန်မတီးတစ်ယောက်လမ်းရွေးချယ်မူတွင်စဉ်းစားရ
ခက်ခဲနေသောကြောင့် ထိုရွာသားပြောစကားဟုတ်လိုဟုတ်ငြားဖြင့်စောင့်ကြည့်
ရန်တွေးရင်းရွာသားဆက်လုပ်မည့်အလုပ်ကို တခြားသူများနဲ့အတူစိတ်ဝင်တစားစောင့်ကြည့်နေကြတော့သည်။
ရွာသားမှာကြက်တညင်များကိုလှောင့်ချိုင့်မှထုတ်၍ ညာခြေတွင်ချည်အနီပတ်၍ ဘယ်ခြေတွင်ချည်အနီ
ရစ်ပတ်နေ၏ ။
ကြက်များကိုမလွတ်သေးပဲလမ်းနှစ်ခုကြား
အလယ်တွင်ကြက်ခြင်းထား၍ လွယ်အိတ်အတွင်းမှ
ကောက်ညှင်းဆန်ကြီးတစ်ဆုတ်ကိုကိုင်၍ လမ်းဝင်ပေါက်တစ်ခုထိပ်တွင်ရပ်၍ မျက်လုံးမှိတ်၍
ပါးစပ်တလူပ်လူပ်ရွတ်၍တစ်စုံတရာကိုတိုင်တည်နေဟန်ရှိနေ၏ ။
ရွာဆိုမူပြီးချိန်တွင်ဆန်စေ့များကို လမ်းဝင်ပေါက်ထိပ်မှကြက်ခြင်းရှိရာသို့ဆွဲ၍ကြဲချလာ၏။
ပြီးနောက်တခြားသောလမ်းတဖက်ထိပ်သို့သွား၍
ထိုနည်းတူပြုလုပ်၍ဆန်စေ့များကို ကြက်ခြင်းရှိရာကြဲချလာပြီးမှ ပါးစပ်မှတိုးတိုးရွတ်နေပြီး
ကြက်လေးကောင်ထည့်ရာလှောင်ချိုင့်တခါးကိုဖွင့်ချလိုက်တော့၏ ။
ကြက်များမှာလှောင်ချိုင့်အတွင်းအချိန်အတော်ကြာနေခဲ့ရသောကြောင့် တောင်ပံတဖျတ်ဖျတ်ခတ်ရင်း အညောင်းဆန့်လိုက်ကြပြီး ကြဲပဲထားသောဆန်စေ့များကိုစားသောက်နေကြရင်း
ကြက်ထီးတစ်ကောင် ကြက်မတစ်ကောင် တတွဲစီလမ်းနှစ်လမ်းသို့ကွဲသွားကြတော့၏ ။
အားလုံးမှာ ရင်တမမဖြင့် ဘာဆက်ဖြစ်မည်ကိုဆက်၍စောင့်ကြည့်နေကြရာကြက်များမှာလမ်းအဝင်ဝတွင်ရပ်နေကြရာမှ သစ်ရွက်ခြောက်များရောနေသောမြေပြင်ကိုယက်၍
ရှိနေကြချိန်တွင် ကြက်ပိုင်ရှင်ရွာသားမှာဘယ်ဖက်လမ်းတစ်ဖက်ထိပ်ဆီသို့သွားလျက်ဆန်တစ်ဆုပ်ကိုနှိပ်၍ကြက်များကိုခေါ်သံ
ပြု၍ကြဲပက်လိုက်ရာ ညာဖက်လမ်းဝထိပ်တွင်ရောက်နေသောကြက်နှစ်ကောင်ပါဘယ်ဖက်လမ်းဝင်ပေါက်ထိပ်သို့ရောက်လာ
ကြတော့၏ ။
သို့ရာတွင်
ကြက်လေးကောင်မှာအစာစားရန်အတွင်းသို့အနည်းငယ်ဝင်ပြီူမှ မည်သည့်အရာကိုကြောက်လန့်သည်မဆိုနိူင်လန့်ဖျတ်
သံပြု၍ကတော်သံပြုအော်မြည်၍လမ်းရှေ့တွင်ရှိနေကြတော့၏ ။
ကြက်ပိုင်ရှင်ရွာသားမှာညာဖက်လမ်းထိပ်သို့နောက်တဖန်သွားရောက်၍လန့်ဖျတ်နေသောသူ့ကြက်များကိုအစာကြွေးချိန်ခေါ်သံပြု၍ခေါ်နေပြန်သည်။
ကြက်များအနီးရောက်လာသောအခါ လက်တွင်ဆုတ်ထားသောဆန်စေ့များကိုကြက်များရှေ့ဖြန့်ပြ၍ ဆန်စေ့များကို ညာဖက်လမ်းအတွင်းဝင်ပေါက်သို့ဖြန့်ခင်းလိုက်တော့၏ ။
ယခုတကြိမ်တွင်ကြက်များမှာညာဖက်လမ်းအတွင်၍ဆန်စေ့များကိုကောက်ယူစားသောက်ရန်လမ်းအတွင်းသို့ဝင်သွားခြင်းကို ထူးဆန်းမူအဖြစ်အားလုံးတွေ့လိုက်ရပါတော့သည်။
”..ကဲ..ဆရာသမား...ဒါလမ်းအမှန်ပဲ... ရှေ့ဆက်ဘာအန္တရယ်ကြုံရမယ် ကျုပ်မသိပေမယ့်
ဒီလမ်းအမှန်ဆိုတာတော့သေချာပါတယ်...”
”...ကဲ...အားလုံးပဲ ညာဖက်လမ်းကသွားကြမယ်
ကျုပ်ပြောထားသလို အစစအရာရာသတိရှိကြပါ....”
ရန်မတီးမှာကြက်များ၏အပြုအမူကိုကြည့်၍
တိုက်ဆိုင်မူလား တကယ်လားမခွဲခြားနိူင်သော်လည်း
ညာဖက်ဝင်ပေါက်လမ်းကိုရွေးချယ်ရန်ဆုံးဖြတ်၍အားလုံးအတွင်းသို့ဝင်လာခဲ့ကြတော့သည်။
လမ်းသည်လူနှစ်ယောက်ဘေးချင်းယှဉ်အနေအထားဖြင့်ရှိနေပြီးလမ်း ဘေးတဖက်တချက်တွင်သစ်ပင်ကြီး
များညီညွတ်စီတန်းစွာရှိနေ၏ ။
သစ်တောအုပ်လမ်းမှာ ရှည်လျားကွေ့ကောက်ခြင်းမရှိပဲတဖြောင့်တည်းရှိနေကြောင်းအတွင်းသို့ဝင်၍လျောက်နေချိန်ကျမှသိလိုက်ကြရသည်။
မိနစ်သုံးဆယ်ခန့်လျောက်ပြီးချိန်တွင်တောအုပ်
ကိုကျော်ဖြတ်လာနိူင်ခဲ့ကြတော့၏ ။
ရန်မတီးတို့လူစုမှာတောအုပ်အပြင်ဖက်သို့
ရောက်ချိန်တွင်ပထမဆုံးလုပ်မိသောအလုပ်မှာဘယ်ဖက်တောအုပ်ထွက်လမ်းအပေါက်နေရာကိုရှာဖွေမိကြခြင်းပင်ဖြစ်၏ ။
သို့ရာတွင် ထိုနေရာတွင်ထွက်ပေါက်ကိုမတွေ့ရပဲ
သစ်ပင်ကြီးများကြပ်ညပ်စွာပေါက်လျက်ဖြင့်ရှိနေ၏ ။
အကယ်၍ဘယ်ဖက်လမ်းသို့ရွေးချယ်မိပါကမည်သို့သောအန္တရယ်မျိုးသူတို့ကြုံရမည်မမှန်းဆနိူင်သလို
ဘယ်ဖက်လမ်းမှာမည်သည့်နေရာသို့ဖောက်လုပ်ထား
မှန်းမသိသောကြောင့် ဒုက္ခ ကြုံရနိူင်သည်။
ရန်မတီးမှာအခက်အခဲတခုကျော်လွားသွားနိူင်ပြီမို့
ကြက်သမားရွာသားကိုကျေးဇူးတင်စကားဆိုရင်းမှအချိန်ရှိသေးသည်မို့ခရီးထပ်ဆက်ရန်
တခြားလူများကိုခနနားစေ၍သူတစ်ယောက်တည်းရှေ့သို့ထွက်လာခဲ့တော့၏ ။
ရှေ့ထပ်ဆက်ရမည့်ခရီးဖြတ်သန်းရမည့်နေရာမှာအောက်ခြေမြေပြင်မှာစိုထိုင်းထိုင်းရှိနေခြင်းနဲ့အတူ။
မြေကြီးနဲ့ကပ်၍မြူများဆိုင်းလျက်ရှိနေသောကြောင့်
အဝေးမှမြင်ကွင်းများကိုကြည်လင်ပြတ်သားစွာမမြင်
နိူင်ပဲ ဝိုးတဝါးရှိနေခြင်းကြောင်းတွေ့ရသောကြောင့်
သူ့လူများထံပြန်လာ၍ လက်ကောက်ဝတ်အရွယ်
သစ်သားစိမ်းလေးငါးချောင်းကို ငါးတောင်အရှည်
မျခုတ်ပိုင်းစေ၍ ထိပ်တွင် အဝတ်စုတ်များရစ်ပတ်၍
ကညင်ဆီကဲ့သို့မီးလောင်လွယ်သောအဆီများနဲ့
တခြားသောမီးလောင်လွယ်သောသစ်ပင်ထွက်အဆီ
များစုပေါင်းထားသော ဝါးပိုးဝါးကျည်တောက်အတွင်း
သစ်သားချောင်းထိပ်မှအဝတ်စုတ်များနှစ်လိုက်ရာ
မီးထွန်းညှိရန်အသင့်ဖြစ်နေသော မီးတုတ်များအဖြစ်
ရောက်ရှိသွားတော့သည်။
တောင်ပေါ်ဒေသတွင်ညအိပ်ညနေခရီးသွားလာသူများ
မှာမီးထွန်းညှိ၍ရသောထိုဆီမျိုးဆောင်ယူသွားလာလေ့ရှိကြသည်။
တစ်ခြားသောအဝတ်စုတ်လေးငါးခြောက်ခုခန့်ကိုလည်း
အပိုအဖြစ်ဆီသုတ်လိမ်းထားလိုက်ပြီး မီးတုတ်ငါးချောင်းကို မီးထွန်း၍ ခရီးဆက်ခဲ့ကြတော့သည်။
အားလုံးမှာမရှင်းလင်းသောပတ်ဝန်းကျင်အနေအထားမြင်ကွင်းများကြောင့် အထူးသတိထားရန် လက်နက်များအသင့်ပြင်ထားကြရန်မှာကြားထားရန်
ရန်မတီးကပြောကြားထားသောကြောင့် အားလုံးသော
သူများမှာဓားကိုင်သူကကိုင်လေးမြှားကိုအသင့်ပြင်ကိုင်သူကကိုင်ဖြင့်သတိအနေအထားဖြင့်ရှိနေကြ၏ ။
တောအတွင်းဝင်လာမိလေလေ မြူခြေများကပို၍ထူထပ်လာလေဖြင့်ရှိနေတော့၏ ။
တောဟုဆိုရာတွင်လည်းအောက်ခြေမှာခြုံနွယ်များကင်းရှင်း၍ သစ်ပင်များလည်းဟိုတစ်ပင်ဒီတစ်ပင်ခပ်ကျဲကျဲပေါက်လျက်ဖြင့်ရှိနေပါသည်။
ရန်မတီးမှာ အကိုင်းပခက်များခြောက်သွေ့နေသော သစ်ခြောက်ပင်ကြီးတစ်ပင်ဘေးမှကပ်၍ဖြတ်သန်းသွားမိစဉ်
ညှီစို့စို့အနံ့များရသောကြောင့် အပင်အောက်ခြေကို မီးတုတ်ဖြင့်ဟိုသည်လိုက်ကြည့်နေစဉ် ပင်စည်အောက်ခြေသို့တတောက်တောက်ကျနေသောအရာကိုအမှတ်မထင်တွေ့လိုက်ရမိ၏ ။
ထိုအရာကိုအစပထမသူ့စိတ်အတွင်း အပင်မှထွက်သော အစေးဟုထင်မြင်မိသော်လည်းထိုအရာမှာသစ်စေးနဲ့မတူပဲ သွေးရောင်သန်းနေခြင်းကြောင့် လက်ဖြင့်တို့၍
နမ်းကြည့်မိရာ သွေးနံ့ရခြင်းကြောင့် သစ်ခြောက်ပင်ကို
နားမလည်နိူင်စွာမော့်ကြည့်နေမိစဉ်....
ရုတ်တရက် သူ့မျက်လုံးအမြင်မှားသွားခြင်းလားဟုအထင်ရောက်စေသောမြင်ကွင်းတစ်ခုပေါ်ပေါက်လာ၏ ။
ထိုအရာမှာ သစ်ခြောက်ပင်ထိပ်မှလူပ်ရှားတိုးထွက်လာသောအရာများကိုတွေ့လိုက်ရတော့၏ ။
ရန်မတီးစိတ်ထဲထိတ်ခနဲ စိုးရိမ်ထိတ်လန့်သွားခြင်းနဲ့အတူ အန္တရယ်အငွေ့အသက်ကို ခံစားလိုက်ရမိတော့သည်။
....ပြေး.......ပြေး.........ဒီနေရာက အမြန်ဆုံး......ပြေးကြ....
တိတ်ဆိတ်မူကိုဖြိုခွင်း၍ ရန်မတီး၏စိုးရိမ်တကြီးအော်ဟစ်သံကြီးပေါ်ထွက်လာပါတော့သည်။
======================
၈ဆက်ရန်
မြူခိုးအလင်္ကာ