သူ...ချန်ခဲ့လေသော(Extra...2)
*****************************
မောင်
စိမ်းသက်နေပြီဖြစ်တဲ့...နာမ်စားလေးကို ရင်ထဲက တိတ်တိတ်လေး ခေါ်မိတယ်....
အရင်အတိုင်း..အပြစ်ကင်းပုံပေါ်တဲ့မျက်နှာကလေးဟာ အပူပင်ကင်းကင်းရယ်မောနေပုံက....
လက်ချင်းချိတ်ထားတဲ့အမျိူးသမီးလေးကြောင့်များလား.....
ပိုသန့်လာပုံပေါက်ပြီး.....
အဆင်ပြေပုံလဲပေါက်သလို....
ပစ္စပ္ပန် မှာပျော်နေပုံလဲရသည်ပင်.....
နောက်ဆုံးတခေါက်တွေ့တုန်းက ဘာမှမဖြစ်သလိုဖြတ်ကျော်သွားခဲ့ပေမဲ့မောင့်မျက်နှာကိုနှစ်ရက်လောက်ဖျောက်မရခဲ့သလို...
ငိုခဲ့ရတာတွေသူမကလွဲဘယ်သူမှမသိပါ....
ဒုတိယအကြိမ်မှာတော့....
သူမတကယ်အဆင်ပြေပါတယ်.....
ရင်ထဲမှာ အမှတ်တရအဖြစ်သာကျန်ခဲ့ပြီးအချစ်တွေတော့ကျန်တော့ပုံမရတာ...
သူရောသူမရောထင်ပါရဲ့....
ခနတာပတ်သတ်ခဲ့တဲ့အခိုက်တန့်လေးကိုတော့သူမတကယ်ပျော်ခဲ့ရပါတယ်....
နေရစ်ခဲ့တော့မောင်....
အတိတ်ကအမှတ်တရတွေမှာ....
အမှတ်တရအဖြစ်သာ....
မောင်နေရစ်ပါ.....
ချစ်ခဲ့မိတဲ့အချိန်တွေကိုနောင်တမရသလို...
ဝေးသွားကြတဲ့အပေါ်လဲနောင်တကင်းတယ်..
ကျမကချစ်နေတဲ့အချိန်အတွင်းမှာအကောင်းဆုံးချစ်ပေးခဲ့ပြီးပြီမဟုတ်လား...
....................
ရန်ကုန်အပြည်ပြည်ဆိုင်ရာလေဆိပ်.
ခြေချလိုက်တာနဲ့အမိနိုင်ငံဆိုတဲ့အသိကနွေးထွေးမှု့ပေးတယ်...လွမ်းနေခဲ့တဲ့ ဒီမြေဒီလေ...
ခြေမချတော့ဘူးလို့မတွေးခဲ့ဖူးပေမဲ့...
အခုလိုစောစောပြန်ခြေချဖစ်မယ်လို့မထင်ခဲ့ဘူး.....
အရာအားလုံးကိုအစပျိူးဖျက်စီးပြစ်သူဖြစ်ခဲ့မိလို့တောင်းပန်ပါတယ်
လို့အစချီတဲ့စာတစောင်ဟာသူမဆီ ဆိုက်ဆိုက်မြိုက်မြိုက်ရောက်လာခဲ့တယ်....
Sender Name မှာ ရိုးထက်ဖြူ...
လို့အမည်တပ်ထားပေမဲ့ အထဲက စာတစောင်နဲ့အတူ memory stick ထဲက Vedio File လေးမှာတော့....
ရိုးကြည်ဖြူနဲ့ပတ်သတ်တာတွေကြီးဖြစ်နေခဲ့သတဲ့.....
မမအပေါ်အရမ်းချစ်ပြလေ....ကိုနေသူရိန်လင်း ကိုလောဘတက်မိလေပါပဲ
ဝေဆိုတဲ့နာမည်လေးနဲ့တင်ပြာယာခက်တဲ့အထိချစ်တက်တာတွေမြင်တော့ ရိုး လဲအချစ်ခံခဲ့ချင်ယုံလေးပါ....
ကိုနေသူရိန်လင်းဟာ ယောက်ျားပီသတဲ့အမျိူးသားတယောက်အမျိူးသမီးတွေအပေါ်လေးစားတဲ့သူတစ်ယောက်ပါ....
ဒါကိုအခွင့်ကောင်းယူပြီး....
ကိုနေသူရိန်လင်း လိုနောက်ထပ်ကလေးတစ်ယောက်အဖမဲ့ဘဝနဲ့ရောက်လာစေချင်လို့လားဆိုတဲ့စကားနဲ့ ဒဏ်ရာကိုတူးဖော်ပြီးအနားမှာဆွဲထားမိတယ်...
သူ မမအပေါ်ဆုံးဖြတ်ချက်တွေမှားခဲ့တယ်ဆိုပေမဲ့...
ဆုံးဖြတ်ချက်မှားအောင်...အတိတ်ကဒဏ်ရာတွေနဲ့ကိုယ်ချင်းစာတရားကိုတွန်းပြီးဖိအားပေးခဲ့မိတာ ရိုး လုပ်ခဲ့တာမို့...ရိုးကိုသာအပြစ်တင်ပေးပါ...
သူများချစ်ခြင်းတွေခွဲခဲ့လို့ ရိုးရဲ့သွေးသားရင်းအကိုဆီကတောင်အချစ်မခံရတော့တဲ့အထိဝဋ်လည်ပြီးပါပြီ...
မမ အကယ်၍များ ကိုနေသူရိန်လင်းအပေါ် အနည်းငယ်လောက်စိတ်ခံစားချက်ရှိသေးရင် သူ့ကိုပြန်စဥ်းစားသင့်သူပါ...
ရိုးကမြင်တွေ့ခဲ့သူမို့ရိုးအသိဆုံးပါ
တာဝန်တွေခေါင်းခံယူခဲ့ပေမဲ့....
သူ့ကျေးဇူးရှင်အဖေရဲ့သားသူ့ညီအိမ်ထောင်ရေးမပြိုကွဲစေဖို့သူအကုန်ပေးဆပ်ခဲ့ပေမဲ့....
မမကြောင့်သူပြိုလဲနေခဲ့တာ.....
မမနောက်ကအမြဲလိုက်နေခဲ့တာ..
အရင်အိမ်မှာကျန်ခဲ့တဲ့ဓာတ်ပုံတွေကသက်သေပါ....
ပြန်မချစ်နိုင်ရင်တောင် မမ သူ့ကိုခွင့်လွှတ်ပေးစေလိုပါတယ်....
ရိုး....မသေခင်အပြစ်ကြွေးတွေဆပ်ချင်လို့ပါ
တလုံးချင်းအားယူပြောတဲ့ရိုးကြည်ဖြူရဲ့စကားတွေကိုနားထဲပြန်ကြားယောင်ရင်း....
မြန်မာပြည်ဟာသူမအတွက်စိမ်းသက်မနေပါ.....
သူမ ပြန်လာဖို့ဆုံးဖြတ်ခဲ့တာ.....
ဘယ်သူကြောင့်မှမဟုတ်ဘူးဆိုတာသူမသာအသိဆုံးပါ....
" ဝေ "
လေဆိပ်မှာအသင့်စောင့်ကြိုနေတဲ့ ကို
ခန့်ညားကြည်လင်နေတဲ့အပြုံးတွေကိုသူမ မမြင်ခဲ့ရတာကြာခဲ့ပြီမဟုတ်လား.....
" ကို ဒီနေ့ အပြုံးတွေကလှပနေပါလား "
သူမလက်ထဲက Luggage ကိုပြောင်းယူရင်း...
" ကိုယ်ကမ်းလှမ်းတာကိုလက်ခံပေးတဲ့အတွက်ကျေးဇူးပါ ဝေ "
သူမဘာမှပြန်မပြောဖြစ်ပဲ...
သူ့လက်တဖက်ကိုမှီနွဲ့ရင်းပြုံးနေမိသည်.....
ကို တို့မိဘတွေဟာ သူမဖေဖေဆီမှာ မင်္ဂလာကိစ္စကမ်းလှမ်းသည်....
ဖေဖေကတော့...
ရုပ်ရှည်ကော ဥစ္စာ ရောပြည့်စုံပြီးထက်မြက်သည့်သူ့ကိုသိပြီးသာမို့...
သမီးသဘောပါ...သမီးတို့အရွယ်ဟာချစ်တာတွေမေတ္တာတွေထက် ဦးနှောက်နဲ့ပါဆုံးဖြတ်သင့်ပြီလို့ဖေဖေထင်တယ်...
တကယ်လို့များ အိမ်ထောင်ပြုချင်တယ်ဆိုရင်တော့ မောင်နေသူရိန်ဟာ သင့်တော်တဲ့အိမ်ထောင်ဖက်ပါလို့တော့ဖေဖေအကြုံပြုချင်တယ်
ဟုတ်ပါသည်....
သူမအနေအထားဟာမဖြစ်မနေယောက်ျားတယောက်ကိုလက်ထပ်ယူမှဖြစ်မည်မဟုတ်သော်လည်း...
ဖေဖေဟာ သူ့သမီးကိုတော့တယောက်ထဲအထီးကျန်စွာနေစေချင်ပုံမပေါ်ပါ....
" ဝေ ဘာတွေတွေးနေတာလဲ "
" ကို နဲ့ ရင်ခုန်သံတွေပြန်နွေးဖို့စဥ်းစားနေတာ "
" ဟောဗျာ "
ကိုဟာသဘောကျစွာ သွားတွေပေါ်အောင်ရယ်သည်...ထို့နောက်သူမနဖူးကိုအနမ်းတပွင့်ခြွေချရင်း
" ခြွေတဲ့အလုပ်တွေ ကို လုပ်ပါမယ် ဝေက ဒီအတိုင်းလေး ရှိနေပေရင်ရပြီ ကို့ ဆီပြန်လာပေးလို့ကျေးဇူးပါ ချစ်သောဝေ "
" လူတိုင်းမှားခွင့်ရှိတယ်လို့ ဝေ ယူဆလို့ပြန်လာခဲ့တာကို ပထမအကြိမ်မှားခွင့်ရှိပေမဲ့ ဒုတိယအကြိမ်ဆိုတာ
မရှိမှဖြစ်မယ်ဆိုတာ ရင်ထဲစွဲနေအောင်မှတ်ထားပေးပါ "
" စိတ်ချပါ ကို သက်သေပြပါ့မယ် "
အလိုက်တသိ သူဖွင့်ပေးတဲ့ကားထဲကိုဝင်ထိုင်ရင်း...
သူနဲ့မတူအောင်ပြောင်းလဲသွားတဲ့သူ....
လူတိုင်းမှားခွင့်ရှိသည်မဟုတ်လား....
မှားမှန်းသိတဲ့အခါ ပြန်ပြင်ပေးတဲ့နေသူရိန်လင်းကိုရွေးချယ်ရင်သူမမှားနိုင်ဘူးလို့ယုံကြည့်ချင်မိတာဘာကြောင့်လဲတော့မသိပါ....
အားကိုးရှာဖို့မလိုအပ်ပေမဲ့......
သူ့ကိုတော့သူမခင်ပွန်းအဖြစ်လိုချင်စိတ်အနည်းငယ်ဖြစ်မိသေးတယ်....
ရေခြားမြေခြားမှာနေရပေမဲ့သူ့ရဲ့ဂရုစိုက်မှု့နဲ့အချိန်ပေးမှု့တွေကြောင့်သူမအထီးကျန်ချိန်တွေထင်ထားတာထက်နည်းတက်တယ်....
စိတ်ညစ်တဲ့အချိန်.....
သူမဖုန်းခေါ်လိုက်တာနဲ့ အချိန်ပြည့်အသင့်ရှိပေးခဲ့သလိုတခါတရံဆိုသူမရှိရာနိုင်ငံအထိပြေးလာတက်သေးတာ....
သူမသိခဲ့...ချစ်ခဲ့ဖူးတဲ့နေသူရိန်လင်းမှဟုတ်ရဲ့လားလို့တွေးမိသွားတဲ့အထိပါပဲ....
သူမအချစ်နဲ့မတန်တဲ့အပြုအမူတွေရှိခဲ့ဖူးတဲ့အမျိူးသားဆိုပေမဲ့...
ထူးဆန်းစွာသူ့အချစ်တွေကိုလက်ခံရရှိပြီးပျော်သလိုရှိလာတယ်....
" မွှေးလိုက်တာ "
ကားပေါ်မှာနှုတ်ခမ်းနီထုတ်ဆိုးနေတဲ့သူမကိုကြည့်ပြီးသူဆီကအသံထွက်လာသည်....
သူမ သူ့ဘက်လှည့်မကြည့်ပပြုံးပြတော့...
သူမခေါင်းကိုရုတ်တရက်ကိုင်လှည့်ပြီး....
မွတ်သိမ့်တဲ့အနမ်းတွေခြွေချပြီးမှ...
" ဝေ..နှုတ်ခမ်းနီတွေကဘာကြောင့်စားချင်စရာအနံလေးတွေထွက်နေရတာလဲ "
သူ့နှုတ်ခမ်းကိုပွတ်သပ်ရင်းပြောသည်...
"အဲ့ဒါနဲ့ပဲလာနမ်းရောလား "
" အရသာမြည်းကြည့်တာပါ...ဝေရဲ့ "
" ရော့....ဒီမှာမြည်းလေ "
နှုတ်ခမ်းနီဗူးကိုထိုးပေးရင်းပြောတော့
" ဝေ..နှုတ်ခမ်းလှလှလေးတွေပေါ်ရောက်မှမြည်းချင်တာ "
"နောက်ဆိုအနံ့မပါတဲ့နှုတ်ခမ်းနီရွေးဝယ်မှပါ...နှုတ်ခမ်းနီဆိုးတိုင်းအနမ်းခံနေရတာအဆင်မပြေဘူး "
" ဘယ်လိုလုပ်မလဲ...မင်းနှုတ်ခမ်းပေါ်တင်လိုက်သမျှက ကိုယ့်အတွက်မြည်းချင်စရာဖြစ်နေခဲ့တာကိုးဝေရယ် "
သူမဟက်ဟက်ပက်ပက်ရယ်မောဖြစ်တယ်......ဘာကြောင့်လဲလို့မေးရင်သူမ မသိဘူး ၇နှစ်တာသံယောဇဥ်ကြောင့်လဲဖြစ်နိုင်သလို
မြူခိုးဝေလွင် ဟာခွင့်လွှတ်တက်သွားလို့လဲ ဖြစ်နိုင်ကောင်းပါရဲ့
သူ...ချန်ခဲ့လေသော(Extra..3 Final)
**********************************
The Shining Sun နဲ့ Lwin Jewelry
ဒိတ်ဒိတ်ကျဲလုပ်ငန်းနှစ်ခုကသားနဲ့သမီးရဲ့ပေါင်းစပ်မင်္ဂလာပွဲမို့...
စီးပွားရေးအသိုင်းအဝိုင်းကြားမှာ စိတ်ဝင်စားစရာဖြစ်ခဲ့သလို....
Social Media တွေပေါ်မှာပါလူအများရဲ့စိတ်ဝင်စားခြင်းကိုခံရသည်...
Low Profile နဲ့နေခဲ့သည့် The Shinning Sunရဲ့ CEO နေသူရိန်လင်းထွက်ပေါ်လာသည့်ပွဲဆိုလဲမမှားပါ....
ချောလိုက်တာဟယ်....
ဒီလောက်ငယ်ရွယ်တဲ့လူငယ်လေးက The Shinning Sunရဲ့CEO တဲ့လား...
မှတ်ချက်ပေါင်းစုံနှင့်ရေပန်းစားနေသည့်သူ
စုလျားရစ်ပတ်ထိမ်းမြားမင်္ဂလာပွဲကြီးဟာလဲခမ်းခမ်းနားနားဖြင့်မြန်မာဆန်ဆန်ကျင်းပချင်သည့်....
သူမရဲ့ဆန္ဒအတိုင်း.....
နှစ်ဖက်မိဘတွေရဲ့အရှိန်အဝါအပြင်သူနဲ့သူမရဲ့အရှိန်အဝါကြောင့်ပါပိုမိုခမ်းနားနေခဲ့သည်
စုလျှားရစ်ပတ်ထိမ်းမြားခြင်းဆ်ိုတာ...
အလျှား ၆တောင် အနံ ၂တောင်ရှိသော သတိုးသမီး ခြုံလွှာစုလျှားတဘက်ကို သတိုးသားနှင့်သတိုးသမီးလက်ကိုရစ်ပတ်ချည်နှောင်ပြီး...
သပြေခက်နှင့်အမွှေးနံ့သာတို့ပတ်ဖြန်းသည်....
ထိုသို့စုလျှားရစ်ပတ်ရာမှာ....
အာဝါဟ ဝိဝါဟ ဟူသောပါဋ္ဌိစကားအရ
အာဝါဟ...သတိုးသာအတွက်တပါးအိမ်မှသတိုးသမီးကိုဆောင်ယူခြင်း( သမီးယူခြင်း)
ကြောင့်....ဆောင်ယူသူသတိုးသားရဲ့လက်ကအောက်မှထားကာ
ဝိဝါဟ....သတိုးသမီးကိုသတိုးသားအိမ်ပို့ခြင်း (သမီးပေးခြင်း) ဖြစ်သည်မို့....
သတိုးသမီးရဲ့လက်ကို အပေါ်မှာထားကာ...
စုလျားသဘက်ဖြင့်ရစ်ပတ်သည်....
ထိုအချိန်မှာ...သူမလက်ကိုနှုညံ့ကြင်နာစွာဆုပ်ကိုင်ထားကာမျက်ဝန်းတွေကသူမဆီ၌သာအမြဲလိုလိုရှိနေတက်သည်....
ဒီနေ့မှသူ့အပြုံးတွေကပိုပြီးတောက်ပနေလေသလား....
သူမ ခေတ်ဆန်ဆန်နေတက်သူဖြစ်သော်လည်း...အခုလိုရှေးအစဥ်အလာတွေနှင့်ပြည့်နှက်သည့်မြန်မာဆန်ဆန် မင်္ဂလာပွဲကိုသဘောကျသည်....
Pre wedding တွေကိုပုံစံမျိူးစုံဖြင့်ရိုက်ခဲ့ပြီးပြီမို့...
မင်္ဂလာပွဲကို အပင်ပန်းခံ ကာ...
အခုလိုကျင်းပဖြစ်ခဲ့တာကိုတော့ရွေးချယ်မှု့မှန်ကန်သည်ဟုတွေးမိသည်အထိကျေနပ်မိခဲ့သည်...
မင်္ဂလာပွဲမတိုင်ခင်ထဲက Low Profile နဲ့နေတက်သည်ဟုသတင်းကြီးသည်သူဟာ...
သူနဲ့သူမရဲ့ moment တွေကို Vedio တမျိူးဓာတ်ပုံတွေနဲ့တဖုံ...
အမျိူးမျိူးထုတ်ကြွားနေတော့တာမို့လဲ...
Social media တွင် Popular ဖြစ်လာခဲ့ကာ...
" ပင်ပန်းနေပြီလား...ဝေ "
" ပင်ပန်းပေမဲ့ဝေကျေနပ်တယ် ကို ...ဝေဘဝရဲ့အပျော်ဆုံးနေ့ထင်တယ် "
" ကျေးဇူးပါ ဝေ ရယ် "
" ဘာအတွက်လဲ "
" ကို့ ကိုဒုတိယအကြိမ်ရွေးချယ်ပေးခဲ့လို့ပါ"
" စိတ်ထဲမထားပါနဲ့.....ဝေ လုပ်သမျှဟာ ဝေပျော်ဖို့နဲ့ ဝေအတွက်ကြီးပဲမို့လို့ပါ "
အလှဆုံးအပြုံးတွေနဲ့ ဝေရဲ့စကားတွေဟာ...
သူ့အတွက်အချိူမြိန်ဆုံးပါ....နောက်ထပ်သူဘယ်တော့မှ...မှားယွင်းတဲ့ရွေးခြယ်မှု့တွေမလုပ်မိဖို့က သူတာဝန်မဟုတ်လား.....
ပွဲဟာ အောင်အောင်မြင်မြင်နဲ့ ပြီးဆုံးသွားမှ....သူမသက်ပြင်းချနိုင်ကာ
အရာရာကိုယ့်လက်ကိုယ်ခြေ ကိုယ်တိုင်လုပ်ရမှဆိုတဲ့ဝေအတွက်
ဒီပွဲပြီးမြောက်ရေးအတွက်တကယ်ကိုလူရောစိတ်ရောနှစ်လုပ်ရသည်မို့
ပင်ပန်းခြင်းတွေအခုမှဝင်ရောက်လာသည်
" မင်္ဂလာဦးညဆိုပေမဲ့...ကိုယ့်သတိုးသမီးလေးကို ပေးနားမှထင်တယ် "
ဝတ်စုံတွေတောင်မလဲနိုင်ပဲကုတင်ပေါ်မှာခြေပစ်လက်ပစ်လှဲအိပ်နေသည့်သူမကိုကြည့်ရင်းသူကဆိုသည်.....
" ကို....ဝေကိုထူပါအုန်း "
" ကိုယ်ကူမယ် "
အဝတ်စားလဲဖို့ ပစ္စည်း တွေကိုစိတ်မရှည်စွာဆွဲဖြုတ်နေသည့်သူမကိုသူက ကူညီသည်...
ဘယက်တွေလက်စွပ်တွေကို....စားပွဲပေါ်ပစ်တင်ရင်း
သူကူနေပုံကစိတ်ရှည်လေသည်.....
"ကို....သိနေခဲ့လား ရိုးကြည်ဖြူ သေဆုံးသွားပြီဆိုတာကို "
" ကို သိနေခဲ့ပါတယ် သူဆုံးပြီးတော့ ရိုးထက်ဖြူဟာ ကိုယ့်ကိုလာရှာခဲ့တယ် သူ့ညီမရဲ့နောက်ဆုံးဆန္ဒဖြစ်တဲ့ စာလေးတွေလာပေးရင်းနဲ့မင်းလိပ်စာပါတောင်းသွားခဲ့တာ ရိုးကြည်ဖြူ ဟာလူတိုင်းဆီ ပို့ခိုင်းခဲ့ပုံပဲ..."
" ဒါဖြင့်ဝေ့ ဆီကိုယ်လွှတ်လိုက်တာပေါ့ ဝေ သူနဲ့ပြန်ဆက်သွားမှာမကြောက်ဘူးလား "
" သိပ်ကြောက်ခဲ့တာပေါ့ဝေရယ်....ဒါပေမဲ့ မင်းရဲ့ရွေးချယ်မှု့တိုင်းကို ကိုယ်လေးစားနေမှာပါ...အတ္တကင်းကင်းချစ်နိုင်သွားတဲ့အခါ ရယူခြင်းတွေကင်းလာတယ် မင်းရှိရှိမရှိရှိ မင်းသိသိမသိသိ ကို ချစ်နေဖို့အဓိကမို့မင်းပျော်ရင်ကိုယ်ပျော်တယ်...
မင်းခေါ်ရင်ကိုပြေးလာမယ်....
မင်းမလိုတော့တဲ့အခါကိုယ်အဝေးကလွမ်းမယ် ဒါပါပဲ "
" ကို......သိပ်ပင်ပန်းခဲ့မှာပဲနော် "
" ပင်ပန်းခဲ့သလောက်အခုဝေအနားကိုယ်ရှိရပြီပဲ....အခုကိုယ့်ထက်ဝေကပင်ပန်းနေမယ်ထင်တယ် ရပြီဝေ မိတ်ကပ်တွေဖျက်ပြီးရေအရင်ချိူးလိုက်နော်လန်းသွားအောင် "
စိတ်ရှည်ရှည်နဲ့ဖြုတ်ပေးထားတဲ့ပစ္စည်းတွေဟာစားပွဲပေါ်မှာပြန့်ကျဲလျှက်ရှိကာ....
သူဟာတခုချင်းကောက်သိမ်းနေပြန်သည်....
သူမရေချိူးခန်းထဲဝင်တော့ဘယ်အချိန်တည်းကဖြည့်ထားပေးလဲမသိသည့် Bath Tube ထဲကရေနှင့်ဆပ်ပြာမြှပ်တွေကြောင့်လဲကြည်နူးရပြန်တာပါပဲတဲ့လား......
အဲဒီနေ့ဟာ သူ့ရင်ခွင်ထဲနွေးထွေးစွာမှေးစက်ရင်း ဘဝအမောတွေပြေရတဲ့နေ့ထင်ပါရဲ့.....
ချစ်တက်သွားတဲ့အခါပိုပင်ပန်းရသော်လည်း....
ခွင့်လွှတ်တက်သွားတဲ့အခါ.....
အရာရာအေးချမ်းနေရတာပါပဲ....
ရင်သွေးလေးကိုမွေးဖွားရင်း.....အသက်ဆုံးသွားခဲ့တဲ့ရိုးကြည်ဖြူဆိုတဲ့ကောင်မလေးရော.....တနေရာရာမှာအေးချမ်းစွာအနားယူနေလေမလား......
မိခင်ကအသက်နဲ့ရင်းခဲ့တာတောင်အသက်မရှင်တဲ့ကလေးလေးရောအေးချမ်းစွာအနားယူနေပြီလား.....
ချစ်ရတဲ့အမွှာညီမကိုဆုံးရှုံးလိုက်ရတဲ့မောင်ရော......
တကယ်ပဲအပူပင်ကင်းနေရဲ့လား
..............................................................
ဘဝဟာ ထွေထွေထူးထူး ဖြတ်သန်းရတာမျိူးမဟုတ်ပါဘူး....
အရင်နိုးသူကမနက်စာပြင်မယ်.....
ကိုယ်အိပ်ယာထနောက်ကျတဲ့အခါ....
မနက်စာပြင်နေတဲ့သူ့ခါးလေးကိုနောက်ကဖက်ရင်းဆယ်ကျောက်သက်ကလေးမလေးလိုချွဲမယ်....
ဆေးလိပ်တွေတော့....
အရင်လိုမသောက်ဖြစ်တော့ဘူးပေါ့....
အထီးကျန်ခြင်းတွေရှိမနေတဲ့အခါ....
Cigarette တွေကိုအဖော်ပြုနေထိုင်ခြင်းတွေလဲရှိမလာတော့ဘူးပေါ့.....
တခါတရံကော်ဖီသောက်မယ်...
တခါတရံသူ့နှုတ်ခမ်းတွေကိုနမ်းမယ်.....
" သိပ်ချစ်တယ် ဝေ "
လို့သူပြောတဲ့အခါ...ကိုယ်ပြုံးပြီးနားထောင်မယ်....
ကိုယ်စီလုပ်ငန်းတွေထဲခေါင်းစိုက်ရင်းအချိန်မပေးနိုင်တဲ့အခါ...
နားလည်မှု့တွေနဲ့ဖြတ်သန်းမယ်.....
ဒီလိုပါပဲ....အမျိူးမျိူးဖွင့်ဆိုကြတဲ့အချစ်ရဲ့အဓိပ္ပါယ်တွေထဲမှာ....
ကျမဖွင့်ဆိုချင်တဲ့အချစ်ရဲ့အဓိပ္ပါယ်ဟာအတ္တကင်းကင်းချစ်တက်ဖို့ပါပဲ.....
သူ့ကိုဘာကြောင့်လက်ထပ်သလဲလို့မေးရင်..
သူဟာကျမအတွက်သင့်တော်တဲ့အမျိူးသားဖြစ်နေခဲ့လို့ပါလို့ဖြေမိမယ်ထင်တယ်....
အတ္တကင်းကင်းချစ်ခြင်းတွေကို....
နားလည်မှု့နဲ့သစ္စာတရားတွေဟာခိုင်မြဲစေတယ်.....
ကျမပျော်ဖို့ဘာမဆိုလုပ်မယ်.....
ကျမပျော်မယ်ထင်လို့နာကျင်ခဲ့ရတဲ့အတိတ်ဆီတဖန်ခုန်ဆင်းတယ်....
ကိုဟာကျမအချစ်နဲ့ထိုက်တန်တဲ့အမျိူးသားလားလို့မေးရင်.....
အင်း........
မထိုက်တန်ခဲ့ပေမဲ့လဲ....
ကျမကတော့အချစ်ခံဖို့ထိုက်တန်တယ်မဟုတ်ပါလား.....
ခွင့်လွှတ်တက်သွားတဲ့အခါ.....
မထိုက်တန်ဘူး ဆိုတာမရှိတော့သလိုပါပဲ......
မောင်ဟာလဲကျမကိုပျော်ရွှင်စေခဲ့ဖူးသူမို့ကျမအချစ်နဲ့ထိုက်တန်ခဲ့သလို....
ကိုဟာလဲ ကျမကိုပျော်ရွှင်အောင်ထားပေးနေသူမို့ကျမဆက်ချစ်သွားဖို့ထိုက်တန်ပါတယ်......
အတ္တကင်းလေ.....
စစ်မှန်တဲ့ပျော်ရွှင်မှု့တွေရလေပဲမဟုတ်လား.......
မြူခိုးဝေလွင်....
.......................The End.............................
ဘဝမှာအရေးကြီးဆုံးကပျော်ရွှင်ဖို့ပါပဲ.....
သူ...ချန်ခဲ့လေသော် လုံးဝcomplete သွားပါပြီ...မမမြူခိုးလိုအမှားကိုသိအမှန်ပြင်သူတွေကိုခွင့်လွှတ်တက်ကြပါစေနော်....
ရွေးချင်တဲ့သူထက်ရွေးသင့်တဲ့သူကိုရွေးသွားနိုင်ပါစေ...
ဆန္ဒ နဲ့ဘဝတွေထပ်တူကျဖို့ဆုတောင်းရင်းးး..
#Sawmstars
#18Jan2022