လွမ်းငွေ့မပြယ်
အိပ်ရာကထ
တစ်နေ့တာရဲ့ အစမှနေ
စိတ်မှာသတိရပါတယ်ချစ်သူ….။
နေပူပူ
မိုးရွာရွာ
ပန်းတွေဝေဝေဆာဆာ
လှပနေချိန်မှာလဲ
အစဉ်အမြဲသတိရပါတယ်ချစ်သူ….။
စေတီပေါ်က
ဆည်းလည်းသံလေးများ
ကြားရပြန်တော့လဲ
အလွမ်းစိတ်တွေ
တရိပ်ရိပ် ဖြစ်ပေါ်လာတယ်ချစ်သူ….။
တစ်နေ့တာမှာ
ဘယ်လောက်ကြာကြာ လွမ်းသလဲဆိုတော့
ကိုယ်အသက်ရှူနေချိန်တိုင်းပါပဲ ချစ်သူ….။
ချစ်ရသူရေ
မင်းနဲ့ဝေးနေချိန်တွေဆို
ဒီတစ်သက် လွမ်းငွေ့တွေပြယ်ပါအုံးမလားကွယ်….။