Shattrath မြို့တော်ကို စီးနင်းစဥ်ကပါဝင်ခဲ့သူ တော်တော်များများနှင့် စကားပြောခဲ့ဖူးသော်လည်း အကုန်လုံးနီးပါး က ဝေဝါးကာ သေသေချာချာမမှတ်မိကြချေ။ Drek'Thar လို မှတ်ဉာဏ်ကောင်းလှသူပင် အသေးစိပ် မမှတ်မိ။ မကောင်းဆိုးဝါးသွေးကိုသောက်မိသူများကတော့ ထိုအချိန်တွင် ခံစားခဲ့ရသည့် ဒေါသကိုသာမှတ်မိကြပြီး မသောက်ခဲ့သူအနည်းစုကလည်း ရေရေရာရာ မမှတ်မိကြ။ မမှတ်မိချင်တော့လောက်အောင် ဆိုးဝါးသည့် အတိတ်တစ်ခုဖြစ်နေသောကြောင့်ဖြစ်ပေမည်။
ထိုတိုက်ပွဲတွင် ရှင်သန်ကျန်ရစ်ခဲ့သည့် တစ်ချိန်က လမ်းနားခဲ့ဖူးသော Draenei များမှာလည်း တစ်ချိန်လုံး ဝမ်းနည်းငိုကြွေးကာ သနားစရာသတ္တဝါလေးတွေ ဖြစ်နေကြသည်။
ထိုအဖြစ်အပျက်မှာ ဆိုးရွားလွန်းလှသော်လည်း မေ့ပစ်သင့်သည့် အကြောင်းအရာတော့မဟုတ်ပေ။
×
Ore တို့က ဒေါသကြီးစွာ ချီတိုက်လာကြပြီး လမ်းတစ်လျှောက် တွေ့သမျှ ကျောက်တုံးတွေကို တွန်းလှဲပစ်နေကြသည်။ ပေါက်ကွဲသံများက ဒေါသတို့ဖြင့် ဆူညံနေ၏။
ချီတက်ရသည့် လမ်းတစ်လျှောက်တွင် Durotan တစ်ယောက် သူ့လူမျိုးများ သူ့မိတ်ဆွေဖြစ်ဖူးသူများကိုသာ စိတ်ပူနေမိသည်။ သူ ဇောချွေးများပြန်ကာ အေးစက်ကြောက်ရွံ့နေသော်လည်း သူ့အတွက်သူကြောက်ရွံ့ခြင်းမဟုတ်ဘဲ ore တွေ အနာဂတ်အတွက် ပူပန်ခြင်းပင်။ Draenei တို့၏ ရှေ့ရေးကတော့ ပြီးသွားလေပြီ။
ထိုအချိန်တွင် ပေါက်ကွဲသံကြီးတစ်ခုထွက်ပေါ်လာ၏။ တောင်ကြီးတစ်ခုလုံး ပြိုကွဲသွားပုံရသည်။ မီးတောင်ချော်ရည်များက ကောင်းကင်ပေါ်သို့ တိုးထွက်ကာ လျှံကျလာသည်။ ချော်ရည်အရောင်က မကောင်းဆိုးဝါးသွေးလိုပင် တောက်ပအရောင်ထွက်နေသော်လည်း အစိမ်းရောင်မဟုတ်ဘဲ လိမ္မော်ရောင်ဖြစ်သည်။ တောင်ပေါ်မှ ကျောက်တုံးကျော်ခဲများကလည်း ကျလာ၏။
Ore တို့က ဝမ်းသာစွာဟစ်ကြွေးကြပြီး Kil'jaden ၏ ပလ္လင်ဖြစ်သော တောင်ကို အော်ဟစ်ဂုဏ်ပြုကာ ဆက်လက်ချီတက်ကြသည်။
မြို့အပြင်ဘက် တစ်မိုင်ခန့် ရောက်သော် သူတို့ စိတ်ရှုပ်ထွေးစွာ နှေးသွားကြသည်။ သူတို့ကို ဒီနေရာတွင် စုခိုင်းထားပြီး ထိုနေရာတွင်ပင် စစ်လက်နက်များရှိရမည်ဖြစ်သည်။
ထို့နောက် ရုတ်တရက် သူတို့ရှေ့တွင် တစ်စုံတစ်ခုထွက်ပေါ်လာ၏။ ထိုအရာမှာ အကြီးဆုံးဘီလူးထက်ပင် သုံးဆခန့် မြင့်မားကာ ခေါင်းစခြေဆုံး နီရဲနေသည်။ ထိုမျှကြီးမားသည့် အရွယ်အစားကို မမြင်ဖူးသော်လည်း ပုံစံကမူ.... အနီရောင် Draenei အကြီးစားမျိုးပင်။
"မင်းတို့ ဘာမှကြောက်စရာမလိုဘူး။ မင်းတို့အကုန် ငါ့ကို သစ္စာတော်ခံပြီးပြီ။ ငါက Kil'jaden ၊ မင်းတို့နဲ့ အစတည်းက ရှိခဲ့တဲ့သခင်ပဲ။ အခု ဒီကြီးကျယ်ခမ်းနားတဲ့ တိုက်ပွဲကို မင်းတို့နဲ့ အတူတိုက်ဖို့ ငါရှိနေပြီ။ တစ်ခါက မင်းတို့ကို Draenei တွေက တစ်မြို့လုံးကို ဖျောက်ပြီး လှည့်စားခဲ့ဖူးတယ်။ ဒါပေမယ့် မင်းတို့ အဲ့မြို့ကို ဖျက်စီးနိုင်ခဲ့တယ်။ ဒီတိုက်ပွဲ တစ်ပွဲပြီးရင် ဘာမှ ကြောက်စရာမရှိတော့ဘူး။ သူတို့မြို့ကို ဖျောက်ဖို့သုံးထားတဲ့ ကျောက်တုံးနဲ့ အခု မင်းတို့ကို ထပ်လှည့်စားထားတာပဲ Kehla men samir, solaylamaa kah!"
ထို့နောက် အမြင်လှည့်စားထားသည်များအားလုံး ပျက်ပြယ်သွားကာ သူတို့ရှေ့တွင် လက်နက်များ ပြန်ပေါ်လာ၏။ လက်နက်များဘေးတွင် စိတ်ဆုံးဖြတ်ထားဟန်ရှိသည့် ဘီလူးများ ၃ဒါဇင်ခန့်။ လက်နက်တို့မှာ ဘီလူးများဘေးတွင် အရုပ်ကလေးများကဲ့သို့ဖြစ်နေသည်။
"ကျန်သေးတယ်"
Kil'jaden ကပြောကာ လက်များကိုဝှေ့ယမ်းလိုက်ရာ Warlock များက အော်ဟစ်၍ သူတို့ခေါင်းများကိုဖမ်းဆုပ်လိုက်ပြီးနောက် မာန်ဖီကြသည်။
"အခု မင်းတို့ခေါင်းထဲမှာ ဂါထာတွေရောက်သွားပြီ။ ကောင်းကောင်းသုံးကြ အခု တိုက်တော့!"
ထို့နောက် တံခါးကိုဖွင့်ချလိုက်သလိုပင် Ore များ အုံနှင့်ကျင်းနှင့်ထွက်လာကြကာ Durotan တစ်ခါမှ မတွေ့ဖူးသော ခွန်အားများနှင့် လက်နက်များကို သယ်ယူတ့န်းထုတ်နေကြ၏။ မြို့တော်သို့ရောက်လျှင် သူတို့ ဘာလုပ်ကြမည်မှန်း မသိသော်ငြား Durotan နှင့် တဖွဲ့သားလုံး တာဝန်ကျေစွာ နောက်မှ လိုက်လာခဲ့သည်။
ဘီလူးတို့နှင့် Ore တို့သယ်ဆောင်လာသည့် လက်နက်များကို မသုံးရသေးခင်တွင်ပင် မြို့တော်ကို ကာထားသည့် နံရံများ ပြိုကျနေပြီဖြစ်သည်။ အစိမ်းရောင် ကျောက်တုံးများက ကောင်းကင်ပေါ်မှကျလာသည်။ နံရံကိုကျော်ထွက်နေသည့် မျှော်စင်နှင့် ခံတပ်များက အက်ကွဲလာ၏။
ထိုသို့ တိုက်ခိုက်မှုများကြားတွင် မြို့တော်မှာ ကြာကြာ တောင့်ခံနိုင်မည်မဟုတ်။ ပြိုကျသွားသည့် နံရံများအကြားသို့ ဘီလူးများ နှင့် ore များက လက်နက်များဝေ့ယမ်းကာ တိုးဝင်ပြီး သတ်ဖြတ်နေကြသည်ကို Durotan မလှုပ်မယှက် ကြည့်နေမိသည်။
အရင်တုန်းက သူမြင်ဖူးခဲ့သည့်အရာများနှင့် ယှဥ်၍ပင်မရပေ။ ဘာနည်းလမ်း ဘာဗျူဟာမှ မရှိဘဲ အစိမ်းသက်သက်ကြီး သတ်ဖြတ်နေကြခြင်းဖြစ်သည်။ ဦးနှောက်မရှိသည့် ဘီလူးများက လုပ်သည်ဆိုလျှင် လက်ခံ၍ ရသေးသည်။ ယခုက ore များပါ...
ဒါဇင်နှင့်ချီပြီး... မဟုတ်သေး ဒီညတွင် ရာနှင့်ချီ သေဆုံးကြလိမ့်မည်။ နေထွက်လာလျှင် လမ်းမများပေါ်၌ အလောင်းများ ပြည့်နှက်နေလိမ့်မည်။ အခုကတော့ တိုက်ပွဲဆူညံသံများဖြင် ပရမ်းပတာဖြစ်နေ၏။ Durotan သူ့ ပုဆိန်ကို ဆွဲယူလိုက်သည်။ သတ်ရင်သတ်၊ မသတ်ရင် အသတ်ခံရမည်သာ ဖြစ်သောကြောင့်ပင်။ သူတို့အကုန် လမ်းမှားရောက်နေကြပြီးမှန်း သိပြီးသည့်တိုင် Durotan သေဖို့ ဆန္ဒတော့မရှိသေးပါ။
Kil'jaden နှင့် Mannoroth က ကောင်းကင်ပေါ်မှ ပျံဝဲလာသည့် အစိမ်းရောင်ဥက္ကာပျံခဲများ မြေကြီးပေါ်ကျလာနေကြသည်ကိုကြည့်နေကြသည်။
"အုံခဲနေကြတာ ပုရွတ်ဆိတ်တွေကျနေတာပဲ" Mannorth ကပြောသည်။
Kil'jaden က ခေါင်းညိတ်၏။
"ဟုတ်တယ် ကြည့်ရတာ စိတ်ချမ်းသာလိုက်တာ"
"ပြီးရင် ဘာဖြစ်မှာလဲ?"
Kil'jaden က အံ့ဩသွားသလို ကြည့်သည်။
"ဘာမှ မရှိတော့ဘူးလေ။ Ore တွေက ငါ့ဆန္ဒကို ဖြည့်ပေးပြီးပြီ။ သူတို့ကိုယ်ထဲမှာ မင်းရဲ့သွေးတွေနဲ့ ပြည့်နေပြီ။ ထွက်ပေါက်ရှာမတွေ့ရင် သူတို့တဖြည်းဖြည်းနဲ့ အစားခံလိုက်ရမှာပဲ။ အဲ့ဒီ့ထွက်ပေါက်ကလည်း ဒီကမ္ဘာမှာရှိတဲ့ Draenei အားလုံးကို သတ်ပြီးမှ တွေ့မှာ"
"ပြီးသွားပြီးဆိုရင်တော့ ကောင်းတာပေါ့။ Archimonde က ခင်ဗျားကို အချိန်ဖြုန်းနေတယ် ထင်နေတာ ကျုပ်တို့သခင်ကလည်း ကျုပ်တို့ကို ဒီ့ပြင်ြနေရာတွေမှာ အလိုရှိနေတယ်လေ"
Kil'jaden သက်ပြင်းချလိုက်သည်။
"မင်းပြောတာ မှန်တယ်။ Sargeras ဆာလောင်နေပြီ။ ငါ့ကို သူတော်တော်စိတ်ရှည်ထားတာ။ Velen ကို သတ်တာ မကြည့်လိုက်ရမှာတော့ နှမျောပေမယ့် သေသွားပြီဆိုရင် လုံလောက်ပါပြီလေ။ သွားကြရအောင်"
သူ လက်ဟန်ခြေဟန်ဖြင့် ဝေ့ယမ်းလိုက်သော် နှစ်ယောက်လုံး ပျောက်ကွယ်သွားတော့သည်။
"သူမရှိဘူးဆိုတာ ဘာကိုဆိုလိုတာလဲ" Gul'dan က မေးသည်။ ဒါ မဖြစ်နိုင်ပါ။
"ကျုပ်ပြောသလိုပဲလေ။ တစ်မြို့လုံးကို မြေလှန်ရှာပြီးပြီ။ Velen ကို လုံးဝရှာမတွေ့ဘူး" Blackhand က ပြောသည်။
"တစ်ယောက်ယောက်များ အရင်ရှာတွေ့သွားပြီး အလောင်းဖျောက်လိုက်တာများလား" Gul'dan ပြောလိုက်သည်။ ဒါ သတင်းကောင်းတော့မဟုတ်ပါ။
Velen ခေါင်းကိုဖြတ်ပြီး Kil'jaden ကို ဆက်သရမည်လေ။
"ဖြစ်တော့ဖြစ်နိုင်ပါတယ်။ ဒါပေမယ့် ခင်ဗျားပြောသလိုပဲ သူ့အလောင်းကို တစ်စစီပိုင်းလိုက်မယ်ဆိုရင်တောင် သာမန် Draenei တွေနဲ့ ကွဲထွက်နေဦးမှာပဲလေ"
Gul'dan စိုးရိမ်လာသည်။ Draenei တို့မှာ အသားအပြာရောင်နှင့် ဆံပင် အမည်းရောင်ဖြစ်သော်လည်း Velen က ဆံပင်ရောအသားရော အဖြူရောင်ဖြစ်သည်လေ။
"မြို့ကို သေချာရှာပါတယ်နော်?"
Blackhand မျက်မှောင်ကြုတ်သွားသည်။
"ကျုပ်ပြောပြီးပြီလေ"
Gul'dan ခေါင်းညိတ်လိုက်သည်။
Velen တစ်နည်းနည်းဖြင့် လွတ်သွားခဲ့ပြီ။ ဒါဆို တခြား လွတ်နေတဲ့ Draenei တွေလည်း ရှိဦးမှာပေါ့။ ထိုအတွေးကြောင့် သူ တုန်လှုပ်သွား၏။ သူမသိတဲ့အချိန်အတွင်း ဘယ်နှယောက်လောက် လွတ်သွားခဲ့ပြီလဲ.. ဘယ်မှာများသွားပုန်းနေကြတာလဲ...
တစ်ခါတုန်းကတော့ Velen မှာ တပည့်များနှင့် ပြည့်နေသည့် တရားထိုင်စရာ ဘုရားကျောင်းဆောင်ကြီး ရှိခဲ့သည်။ အခုတော့ သူ အခန်းငယ်လေးထဲမှာ တစ်ယောက်တည်း ဖြစ်နေ၏။ ခရမ်းရောင်ကျောက်တုံးကို လက်မာှကိုင်ထားကာ မျက်ရည်များတွေတွေစီးကျနေသည်။
မြို့တော်ကြီးရဲ့ ကျဆုံးခန်းကို သူကြည့်ခဲ့ရသည်။ သူ့အစ့မ်းဖြင့် ကာကွယ်တိုက်ခိုက်ရင်း နေခဲ့ချင်သော်လည်း သူရော သူ့လူမျိုးများပါ သေဘေးတွေ့မည်ဖြစ်၍ ရှောင်ခွာခဲ့ရ၏။ မကောင်းဆိုးရွားသွေးများဖြင့် ပြည့်ကာ သွေးဆာနေသော ore တို့ကို မတားဆီးနိုင်ပြီ။ Kil'jaden နှင့် Sargeras တို့၏ Burning Legion က သူတို့ကို ပိုင်သွားလေပြီ။ Ore တို့ဘက်က အင်အားတောင့်လွန်းသောကြောင့် Velen လည်း ဘာမှမတတ်နိုင်ဘဲ ထွက်ခွာခဲ့ရ၏။
သူတို့သာမက Ore များကိုလည်း ကယ်တင်၍ မရနိုင်ပါ။ မကောင်ဆိုးဝါးသွေး မသောက်ခဲ့ဘဲ အသိစိတ်ရှိသေးသည့် အဖွဲ့တစ်ဖွဲ့၌တွင်သာ မျှော်လင့်ချက်အနည်းငယ်ရှိတော့သည်။ အယောက်ရှစ်ဆယ်ခန့်သာ ရှိသည်။ ထိုအယောက်ရှစ်ဆယ်နှင့် အဖွဲ့ပေါင်းများစွာကို ယှဥ်ရပေမည်။
Velen က မြို့ကိုစွန့်ပစ်ပြီး Ore တို့လာတိုက်သည့်အခါ တစ်ယောက်မျှ မရှိတော့အောင် ထွက်သွားစေချင်သည်။ သူ နိုင်သလောက် Draenei တွေကို ကယ်ချင်သည်။ သို့သော် Restalaan ၏ နေရာကို ဆက်ခံထားသော ပညာရှိ စစ်သူကြီး Larohir က သူ့ကို မဖြစ်နိုင်ကြောင်း ပြောကြားခဲ့သည်။
"သူတို့ သတ်စရာလူ အလုံအလောက်မရှိရင်.. သူတို့ရဲ့ သွေးဆာမှုက ပြီးမှာမဟုတ်တော့ဘူး။ သူတို့ ဆာလောင်နေပြီး ကျွန်တော်တို့ကို အနံ့ရတာနဲ့ အမဲလိုက်သလို လိုက်ကြမှာ။ ထွက်ပြေးတဲ့သူတွေလည်း သေကုန်မှာပဲ။ ကျွန်တော်တို့အတော်များများ အသတ်ခံလိုက်ရပြီဆိုတာ သူတို့ ယုံမှဖြစ်မယ်။ သူတို့ ယုံဖို့ဆိုရင်လည်း... တကယ် သေမှဖြစ်မယ်"
Velen အလန့်တကြား ကြည့်လိုက်မိသည်။
"ငါ့လူတွေကို သေမှာမှန်းသိသိကြီးနဲ့ သေတွင်းကိုပို့ရမှာလား?"
"ကျွန်တော်တို့အားလုံးနီးပါး Argus ကို ထွက်ပြေးတုန်းက ဘာဖြစ်ခဲ့လဲ သိကြတာပဲ။ ကျွန်တော်တို့အကုန် Kil'jaden ဘာတွေလုပ်ခဲ့လဲ မှတ်မိကြတယ်။ ကျွန်တော်တို့... ကျွန်တော်တို့ လူတစ်စုလောက်ကိုပဲ ကယ်နိုင်မယ်ဆိုရင်တောင် ပျော်ပျော်ကြီး အသေခံနိုင်ပါတယ်"
Velen ရင်နာစွာဖြင့် အကြည့်လွှဲလိုက်သည်။
"ကျွန်တော်တို့ အတော်များများကို သတ်ပြီးရင် Kil'jaden လည်း ကျေနပ်မှာပါ။ Ore တွေကတော့ မချိမဆန့် ခံစားရလိမ့်မယ်"
Larohir က မကျေနပ်သည့်ပုံ ပေါက်နေသော်လည်း Ore တို့၏လုပ်ရပ်များကြောင့် Velen အပြစ်မတင်နိုင်ပါ။
"ပြီးတော့ ကျွန်တော်တို့ကို လိုက်ရှာနေဦးမှာပဲ ဒါပေမယ့် ရာပေါင်များစွာကို ရှာတဲ့နည်းနဲ့ လူနည်းနည်းကို ရှာတဲ့နည်းတော့ ကွာလိမ့်မယ်။ ကျွန်တော်တို့တွေ အရမ်းအားနည်းပြီ ပြိုကွဲနေတဲ့ပုံပေါက်အောင် လုပ်ဖို့က အားသာချက်ပဲ"
Velen က Larohir ကို ကြောက်ရွံ့စွာ ကြည့်လိုက်၏။
"မင်းပြောတော့ လွယ်တာပေါ့။ ဒါပေမယ့် ဒီဆုံးဖြတ်ချက်တွေက ငါချရမှာလေ။ မင်းလုပ်ရမှာမှ မဟုတ်တာ။ မင်းတို့ မင်းတို့ မင်းတို့ကတော့ ငါနဲ့နေဖို့ လိုက်ခဲ့။ မင်းတို့ မင်းတို့ကတော့ ore တွေဆီမှ တစစီ အသတ်ခံဖို့ သွား လို့ ငါပြောရမှာလေ"
Larohir က ဘာမှပြန်မပြော။ ပြောစရာလည်း မရှိပေ။
အသေခံပေးဖို့ Velen ရွေးထားသည့် လူတစ်ယောက်ချင်းစီနှင့် စကားပြောပြီးပေပြီ။ သူတို့တစ်ယောက်ချင်းစီကို ပွေ့ဖက်ကာ ကောင်းချီးပေးပြီးနောက် သူတို့ အပ်နှံသော ပစ္စည်းများအား ထိန်းသိမ်းစောင့်ရှောက်ရန် ကတိပေးခဲ့သည်။ ချပ်ဝတ်တန်ဆာများ ပြင်ဆင်ကာ ရှေးဟောင်း သီချင်းများကို သီဆိုပြီး အသတ်ခံရန် ချီတက်သွားကြသူများကို Velen ကြည့်နေခဲ့သည်။
Velen ကတော့ သူတို့နှင့် လိုက်မသွားနိုင်ခဲ့ပေ။ သူ့တွင် ထူးခြားသောအစွမ်းများရှိသောကြောင့် Draenei တိူ့ အသက်ရှင်ရန် သူပါအသက်ရှင်နေဖို့ လိုအပ်သည်။ သို့သော် တိုက်ပွဲမှာ ဖြစ်သမျှကို ကြည့်ရှုနိုင်ရန်အတွက်တော့ ကျောက်တုံးတစ်တုံးကို အသုံးပြုခဲ့သည်။ ထိုနာကျင်မှုမှာ ပြင်းထန်လှသော်လည်း သန့်စင်လှ၏။ ထိုလူတို့ သေဆုံးခြင်း အချည်းနှီး မဖြစ်စေရပါ။
Zangarmash အကြောင်း Ore တို့ မသိကြပေ။ သူတို့ ပုန်းနေသည့် ဒီနေရာကို သူတို့ မသိကြသေးသလို ဘယ်တော့မှလည်း သိမည်မဟုတ်ပေ။ ဒီနေရာတွင် အတော်ဆုံး Draenei များကို လေ့ကျင့်ပေးပြီး အန္တရာယ်ကင်းအောင် ထားပေမည်။ ဒီနေရာတွင် သူတို့ ပြန်လည်ရှင်သန်ကာ အုပ်စုပြန်ဖွဲ့ကြမည်။ စောင့်ဆိုင်းကာ ဆုတောင်းကြမည်။ နောက်ဆုံးတော့ Kil'jaden ကို သူတို့ လှည့်စားနိုင်ခဲ့ကြလေပြီ။
Ore တို့ထံတွင် ကျောက်တုံးသုံးတုံးရောက်နေသော်လည်း Velen ထံတွင် လေးတုံးကျန်ပါသေးသည်။ Fortune's Smile, Eye of the Storm, Shield of the Naaru နှင့် Spirit's Song ဆိုသည့် လေးတုံးဖြစ်သည်။ သူနှင့် Naaru တို့ကြားက ဆက်သွယ်မှုမှာ သေးမျှင်သော်လည်း K'ure ကတော့ အသက်ရှင်နေဆဲဖြစ်သည်။
သူ့မျက်လုံးများမှ မျက်ရည်များကျကာ အသက်များစွာ ဆုံးရှုံးမှုကြောင့် နာကျင်စွာ ခံစားနေရသော်လည်း Draenei တို့၏ ရှေ့ဖြစ်ဟော Velen ရင်ထဲတွင် မျှော်လင့်ချက်က တလူလူရှင်သန်နေဆဲဖြစ်လေသည်။
Note : အခု ဖတ်ရတဲ့ စာအုပ်လေးက ဖတ်ရတာ အဆင်ပြေတယ် ဖတ်လို့ကောင်းတယ်ဆိုရင် Rating မှာ 5 Stars လေး ပေးပေးလို့ရပါတယ်ရှင် ^^
ပြီးတော့ ဒီဘာသာပြန်သူလေးက ကော်ဖီကြိုက်တတ်လို့ Can you please buy me a cup of Coffee? ^~^
Love y'all,
Nyl